وڈاکانچیری: ریاست کیرالہ کے ضلع وڈاکانچیری میں ایک سڑک حادثہ پش آیا ہے، جس میں نو افراد کے ہلاک ہونے کی اطلاع ہے۔ جمعرات کو ارناکولم کے باسیلیوس علاقے سے ایک سیاحتی بس اسکولی طلبا کو لے جارہی تھی۔ اس دوران وہ کے ایس آر ٹی سی کی بس سے ٹکرا گئی جس کے سبب یہ حادثہ پیش آیا۔ اس حادثہ میں نو افراد ہلاک اور 36 زخمی ہوگئے ہیں۔ Kerala: 9 killed including children in tourist-KSRTC bus crash in Palakkad
پولیس نے بتایا کہ ٹورسٹ بس میں 42 طلباء اور پانچ اساتذہ سوار تھے۔ 47 مسافروں میں سے 36 زخمی ہوئے۔ زخمیوں میں سے 12 کی حالت تشویشناک ہے۔ یہ حادثہ جمعرات کی صبح 12 بجے کے بعد پیش آیا۔ کے ایس آر ٹی سی بس میں 49 مسافر سوار تھے۔ انہوں نے مزید کہا کہ مرنے والوں میں کے ایس آر ٹی سی بس کا ایک مسافر اور ایک ٹیچر شامل ہے۔
مزید پڑھیں:۔ Jalpaiguri 7 People Killed جلپائی گوڑی میں وسرجن کے دوران سات افراد ہلاک، متعدد لاپتہ
ٹورسٹ بس میں مار باسیلیوس اسکول کا ایک گروپ سوار تھا، جو اوٹی کی سیر پر گیا تھا۔ عینی شاہدین کا کہنا ہے کہ بس کی رفتار تیز تھی۔ یہ حادثہ اس وقت پیش آیا، جب کے ایس آر ٹی سی کی بس اور ٹورسٹ بس میں ٹکر ہوئی۔ فائر فورس یونٹ اور مقامی لوگ ریسکیو آپریشن کر رہے ہیں۔ پولیس نے بتایا کہ حادثے میں کئی لوگ شدید زخمی ہو گئے۔یہ حادثہ وڈاکانچیری انجمورتی منگلم میں پیش آیا۔ سیاحوں کی بس جو تیز رفتاری سے آئی تھی کے ایس آر ٹی سی بس کے عقبی حصے سے ٹکرا گئی اور اُلٹ کر دلدل میں جاگری۔
