کشمیر یونیورسٹی میں سائنس میں دو ہفتوں کا ریفریشر کورس شروع کیا گیا ہے۔ وائس چانسلر پروفیسر طلعت احمد نے آن لائن کورس کا افتتاح کیا۔ یو جی سی، ایچ آر ڈی سی کے زیر اہتمام جموں و کشمیر اور باہر کی یونیورسٹی اور کالج اساتذہ کے لیے یہ پروگرام شروع کیا گیا ہے۔
اس موقع پر پروفیسر طلعت نے کہا کہ سائنس کی ترقی اور اس کی دریافتوں اور ایجادات نے انسانیت پر وقتاً فوقتاً نمایاں اثرات مرتب کیے ہیں خاص طور پر قرہ ارض پر انسانی وجود کو آسان اور خوشگوار بنانے میں اہم مداخلت کی ہے۔
پروفیسر نیلوفر خان نے کہا کہ مختلف اسٹریمز میں ریفریشر کورسز مخلتف چیلنجز پر بحث و مباحثے کے قابل بناتے ہیں اور ان کے حل کے لیے سہولت فراہم کرتے ہیں جن کا معاشرہ سامنا کررہا ہے۔
انہوں نے کووڈ-19 کے پھوٹ پڑنے کے بعد آن لائن موڈ میں ریفریشر کورسز کرانے میں یو جی سی، ایچ آر ڈی کی کوششوں کو سراہا۔
ادھر اپنے استقبالیہ خطبے میں ڈائریکٹر یو جی سی، ایچ آر ڈی سی پروفیسر مشتاق احمد درزی نے اپنے قیام کے تین دہائیوں میں اساتذہ کی ایک بڑی تعداد کی تربیت میں مرکز کے کردار پر روشنی ڈالی۔
یہ بھی پڑھیں: افغانستان اور پاکستان کے درمیان یک روزہ سیریز ملتوی
دو ہفتوں کے ریفریشر کورسز میں اعلیٰ تعلیمی ماہرین اور محقیقین کے درمیان امیونولوجی، تپ دق، کینسر بائیولوجی، فلکی طبیعیات، مصنوعی ذہانت، جیو انفارمیٹکس اور ڈیجیٹل امیج پروسیسنگ پر بحث و مباحثہ ہوگا۔
