کانپور میں ایک کمپنی کا الزام ہے کہ اس کے اکاؤنٹ سے تقریبا 14 لاکھ روپے سری رام جنم بھومی تیرتھ ٹرسٹ کے نام سری سدھی وینایک ٹرسٹ اور ایک این جی او کیئر فار لائف چیئریٹیبل ٹرسٹ کے اکاؤنٹ میں دھوکا دہی کر کے ٹرانسفر کر لئے گئے۔ کمپنی کی شکایت پر پولیس نے تینوں اکاؤنٹ ضبط کر لیے ہیں۔
کانپور کے رائے پرواہ تھانہ علاقے میں واقع ایل ڈی کو ریڈمی بزنس ایپ کی طرف سے تھانہ رائے پرواہ میں ایک کیس درج کرایا گیا کہ اس کے اکاؤنٹ سے 14 لاکھ روپے بغیر اس کی مرضی کے دھوکا دہی کے ذریعہ نکالا گیا ہے۔
پولیس کی شروعاتی جانچ میں یہ انکشاف ہوا کہ یہ رقم تین اکاؤنٹ میں ٹرانسفر کی گئی ہے اور یہ جعل سازی کسٹمرز کے آدھار کارڈ کے ذریعہ پیسہ نکالنے والے لوگوں کے تھمب امپریشن کلون کر کے جعلسازی کی گئی ہے۔
جن اکاؤنٹس میں روپیہ ٹرانسفر کیا گیا ہے اس میں ایک اکاؤنٹ ضلع ایودھیا میں واقع شری رام جنم بھومی ٹرسٹ، دوسرا اکاؤنٹ ممبئی ضلع میں واقع واقع شری سدھی وینایک ٹرسٹ اور تیسرا ایک این جی او کیئر فار لائف چیریٹیبل ٹرسٹ کے نام پر بنے جعلی اکاؤنٹس میں ٹرانسفر کیا گیا ہے۔
پولیس نے فی الحال تینوں اکاؤنٹس کو ضبط کر لیا ہے۔
پولیس کی تحقیقات جاری ہیں اور اس بات کا پتہ لگانے کی کوشش کر رہی ہے کہ یہ تینوں اکاؤنٹ کس کے نام پر بنائے گئے ہیں۔ پولیس ان ملزمین کو تلاش کر رہی ہے جن کے نام پر اکاؤنٹس ہیں۔
مزید پڑھیں:نوئیڈا: نقلی شراب فروخت کرنے والے ملزمان گرفتار
جعلسازی کا یہ پورا کھیل 18 مئی 2021 سے 15 جون 2021 میں کیا گیا تھا۔ اس کا انکشاف اس وقت ہوا جب منی وائلیٹ کمپنی کو لین دین کی سہولیات فراہم کرنے والے يس بینک کے پاس کسٹمرز کی شکایت پہنچنے لگی۔ کمپنی کے قانونی آفسر نے بینک کے ساتھ مل کر اپنی سطح پر معاملے کی جانچ کرائی تو دھوکہ دہی کے اس معاملے کا انکشاف ہوا۔
