مظفر نگر: ریاست اترپردیش کے ضلع مظفر نگر ضلع جیل میں گینگسٹر کے معاملے میں بند کیرانہ سے سماجوادی پارٹی کے رکن اسمبلی ناہید حسن کی طبیعت اچانک بگڑ گئی جس کی وجہ سے انہیں چیک اپ کے لیے مظفر نگر جیل سے ضلع ہسپتال لایا گیا۔ ضلع ہسپتال میں ان کا سٹی اسکین اور الٹراساؤنڈ کرایا گیا ہے۔ چیک اپ کے بعد انہیں واپس جیل لے جایا گیا ہے۔ پولیس کی سیکیورٹی کے درمیان ڈاکٹروں نے ان کا چیک اپ کر سی ٹی اسکین سمیت مختلف ٹیسٹ کروائے۔ Kairana MLA Nahid Hasan Deteriorated
دراصل ناہید حسن کو شاملی پولیس نے جنوری 2022 میں گرفتار کیا تھا۔ مقامی عدالت نے ناہید حسن کی درخواست ضمانت مسترد کردی تھی۔ جس کے بعد ناہید کو ہائی کورٹ سے بھی مایوسی ہاتھ لگی۔ ناہید حسن نے ڈسٹرکٹ جیل سے ہی کیرانہ سیٹ سے ایم ایل اے کا الیکشن جیتا تھا۔ وہ چھ ماہ سے زائد عرصہ سے ڈسٹرکٹ جیل میں ہیں۔
یہ بھی پڑھیں: Kairana MLA Nahid Hassan Surrendered: کیرانہ کے رکن اسمبلی اور ایس پی امیدوار ناہید حسن نے کی خودسپردگی
