مرکزی وزیر داخلہ امت شاہ کے جموں کشمیر دورے اور پہاڑی طبقے کی آبادی کو ریزرویشن دینے کے معاملے پر نیشنل کانفرنس اور پی ڈی پی نے اپنا ردعمل ظاہر کرتے ہوئے کہا کہ امت شاہ نے جموں کشمیر کی مجموعی تعمیر و ترقی پر بات نہیں کی ہے بلکہ لوگوں کو تقسیم کرنے کہ کوشش کی۔ ان کا کہنا ہے کہ گجر، بکروالوں اور پہاڑیوں کے مابین ریزرویشن معاملے پر امت شاہ نے لوگوں کو تقسیم کیا ہے۔JK Political Parties on Amit Shah Kashmir Visit
نیشنل کانفرنس کے ترجمان عمران نبی ڈار نے ای ٹی وی بھارت کو بتایا کہ وزیر داخلہ نے صرف جمو و کشمیر بالخصوص گجر بکروال اور پہاڑیوں کے درمیان بگاڑ پیدا کیا ہے۔انہوں نے کہا کشمیر کے شعبہ صنعت جیسے میوہ، جو اس وقت خسارے میں ہے، اس پر وزیر داخلہ نے کوئی بات نہیں کی ہے۔ پی ڈی پی ترجمان رؤف بٹ نے کہا کہ وزیر داخلہ نے راجوری ریلی میں پہاڑیوں کے متعلق ریزرویشن کا جو اعلان کیا ہے وہ ایک گجر بکروال اور پہاڑیوں کو لڑانے کی سازش ہے۔
واضح رہے کہ راجوری میں عوامی ریلی سے خطاب کرتے ہوئے مرکزی وزیر داخلہ امت شاہ نے کہا کہ جموں کشمیر میں پہاڑی طبقے کو جسٹس جی ڈی شرما کمیشن کی سفارشات کے مطابق ریزرویشن دیا جائےگا لیکن گجر بکروال طبقے کا ایک فیصد حصہ بھی ان سے نہیں چھینا جائےگا۔ امت شاہ نے کہا کہ وزیر اعظم نریندر مودی نے دفعہ 370 کو ہٹا کر ریزرویشن کا راستہ ہموار کیا ہے۔
یہ بھی پڑھیں: Amit Shah Visit JK امت شاہ کے دورے سے پہاڑیوں کو کافی امیدیں
ان کا کہنا ہے کہ جسٹس کمیشن نے پہاڑی، گجر، بکروال کی ریزرویشن کی سفارش کی ہے اور ان سفارشات کو سرکار کی منظوری ملتے ہی پہاڑی، گجر، بکروال کو ریزرویشن ملے گا۔ یار رہے کہ وزیر داخلہ جمو کشمیر کے تین روزہ دورے پر آئے ہوئے ہیں، جس کی ایک کڑی آج مکمل ہوئی جب کہ کل یعنی منگل کو وہ بارہمولہ قصبہ میں ایک ریلی سے خطاب کریں گے۔
