جموں و کشمیر میں گزشتہ 24 گھنٹوں کے دوران کورونا کے کیسز میں اضافہ دیکھنے کو ملا۔ خطہ میں 169 افراد کورونا سے متاثر پائے گئے۔ تازہ معاملات کے ساتھ ہی کیسز کی مجموعی تعداد 325148 ہو گئی۔
سرکاری اعداد و شمار کے مطابق جموں و کشمیر میں سرگرم معاملات کی تعداد 1276 ہیں۔
خطہ میں گزشتہ 24 گھنٹوں کے دوران 103 افراد صحتیاب ہوئے جس کے ساتھ ہی 319465 افراد صحتمند ہو گئے ہیں۔
خطہ میں اب تک 4407 افراد کورونا کے شکار ہو گئے ہیں۔ جموں میں 2166 اور کشمیر میں 2241 افراد کورونا سے انتقال کر گئے۔
سرینگر میں سب سے زیادہ 72327 افراد کورونا سے متاثر ہوئے ہیں تاہم ان میں 71045 افراد صحت مند ہوئے ہیں جبکہ یہاں سب سے زیادہ 834 اموات بھی ہوئی ہیں۔
اس کے بعد جموں میں 53010 افراد کورونا کی زد میں آئے، جبکہ 51772 صحت یاب ہوئے ہیں۔ یہاں 1142 افراد کی موت ہوئی۔
یہ بھی پڑھیں: اہربل میں اہم ترین دریافت، کروڑوں برس پرانی فوسل سائٹ دریافت
فروری میں یہاں سرگرم کیسز کی تعداد 600 سے کم ہو گئی تھی لیکن کورونا کی دوسری لہر کے بعد یہاں فعال معاملوں کی تعداد پچاس ہزار سے تجاوز کر گئی۔
