Jamiat Reaction on Karnataka High Court Verdict: کرناٹک ہائی کورٹ کے فیصلے پر جمعیت علمائے ہند کا ردعمل

کرناٹک ہائی کورٹ نے آج حجاب معاملے کو لے کر فیصلہ سنایا ہے، جس میں کہا گیا ہے کہ حجاب اسلام کا اہم حصہ نہیں ہے۔ اس معاملے پر جمعیت علمائے ہند نے اپنا ردعمل پیش کیا ہے۔

کرناٹک ہائی کورٹ کے حجاب معاملے پر آئے فیصلے کو لے کر جمعیت علمائے ہند کے یوپی ریاستی سیکریٹری قاری ذاکر حسین نے رد عمل کا اظہار کرتے ہوئے کہا کہ یہ فیصلہ اس قابل ہے کہ اس کو سپریم کورٹ میں لے جایا جائے۔

انہوں نے مزید کہا کہ علماء اور دانشوران قوم اس بات کو ثابت کریں گے کہ حجاب اسلام کا ایک اہم حصہ ہے۔ ہم ہائی کورٹ کے فیصلے کو سپریم کورٹ میں بھیجیں گے۔ ہمیں عدالت عالیہ پر پُورا یقین ہے کہ اس معاملے پر ہمیں انصاف ملے گا۔