جماعت اسلامی ہند کے نائب امیر سلیم انجینئر نے ای ٹی وی بھارت سے بات کرتے ہوئے کہا کہ زرعی قوانین کی واپسی کے لئے ایک برس سے کوشش کی جا رہی تھی جو اب کامیاب ہوئی ہے۔
سلیم انجینئر نے مزید کہا کہ حالانکہ یہ فیصلہ سیاسی اقتدار کے نظریہ سے دیکھا گیا ہے لیکن اس سے کسانوں کی پریشانیوں کا ازالہ بھی ہوا ہے، جس کے لیے ہم شکر گزار ہیں کیونکہ جماعت اسلامی ہند شروع سے ہی کسانوں کی اس تحریک میں شامل رہی ہے اور یہ کامیابی ہماری بھی ہے۔
شہریت ترمیمی قانون سے متعلق ایک سوال کے جواب میں سلیم انجینئر نے کہا کہ جس طرح سے زرعی قوانین کو واپس لیا گیا ہے اسی طرح ہمیں امید ہے کہ شہریت ترمیمی قانون کو بھی حکمران جماعت واپس کرے۔ اس لیے آئندہ دنوں میں شہریت ترمیم قانون کے خلاف احتجاج کرنے کی ضرورت ہی محسوس نہیں ہوگی۔
مزید پڑھیں:۔ Farm Laws: رفعت فاطمہ نے حکومت سے سی اے اے کو واپس لینے کا مطالبہ کیا
انہوں نے کہا کہ جب یہ قوانین پاس کیے گئے تھے تب اسے سیاسی نظریہ سے دیکھا گیا تھا اور یہ فیصلہ بھی سیاسی نقطہ نظر سے دور نہیں ہے، انہیں معلوم ہے کہ موجودہ حالات میں انہیں نقصان پہنچ سکتا ہے۔
