نئی دہلی: بھارت کے جی 20 صدارت کے چیف کوآرڈینیٹر ہرش وردھن شرنگلا نے اتوار کے روز کہا کہ بھارت کی G-20 صدارت ایک اہم موقع ہے اور ہم نے اس سمٹ کو نتیجہ خیز بنانے اور وزیر اعظم کے وژن پر عمل کرنے کے لیے اس سمٹ کے ہر پہلو پر غور کیا ہے۔ انھوں نے یہ بھی کہا کہ اس پروگرام کی کیامیابی میں کریڈٹ ان تمام لوگوں کو بھی جاتا ہے جو اس بڑے پیمانے پر مشق کا حصہ تھے۔ دراصل جی 20 سربراہی اجلاس کے پہلے دن نئی دہلی کے اعلامیہ پر اتفاق کرنا بھارت کے لیے ایک بڑی کامیابی ہے۔ اس موقع پر مودی نے افریقی یونین کو جی 20 کے مستقل رکن کے طور پر شامل کرنے کا اعلان بھی کیا۔
قابل ذکر ہے کہ ہفتہ کو وزیر اعظم نریندر مودی نے جی 20 سربراہی اجلاس کے دوسرے سیشن 'ایک خاندان' کے دوران دہلی لیڈرز مینی فیسٹو کو اپنانے کا اعلان کیا اور جی 20 عہدیداروں کی پوری ٹیم کو کریڈٹ دیا۔ اس سلسلے میں، بھارت کی جی 20 صدارت کے چیف کوآرڈینیٹر ہرش وردھن شرنگلا نے ای ٹی وی بھارت کو بتایا کہ نئی دہلی اعلامیہ پر اتفاق رائے تک پہنچنا ملک کے لیے ایک غیر معمولی کامیابی ہے۔ شرنگلا نے مزید کہا کہ ہم نے گلوبل ساؤتھ کے مقاصد حاصل کر لیے ہیں۔ ہم نے گلوبل ساؤتھ کی ضروریات اور خدشات کو دور کیا ہے، ہمیں بہت خوشی ہے کہ پی ایم مودی نے ہماری صدارت میں G20 کے مستقل رکن کے طور پر افریقی یونین کی فورم میں شمولیت کا اعلان کیا۔
شرنگلا نے کہا کہ افریقی یونین فورم کا مستقل رکن بن گیا اور نئی دہلی اعلامیہ متفقہ طور پر منظور کیا گیا، یہ ہمارے لیے ایک بڑی کامیابی ہے۔ میں یہ بات بطور قوم، ایک ملک، ایک حکومت کے طور پر کہہ رہا ہوں۔ عام طور پر G20 جیسے کثیر الجہتی عمل میں اس قسم کے مذاکرات کو انجام تک پہنچانا، اس حقیقت کو دیکھتے ہوئے کہ جی 20 کے اندر جیو پولیٹیکل مسائل پر مضبوط پولرائزیشن کے باوجود ہم اپنے پہلے دن کے اجلاس کے پہلے نصف میں اتفاق رائے سے نئی دہلی اعلامیہ کو اپنانے میں کامیاب ہوئے، یہ ایک غیر معمولی کامیابی ہے۔
یہ بھی پڑھیں:
واضح رہے کہ جی 20 ممالک کے منشور میں کہا گیا تھا کہ آج جنگ کا دور نہیں ہے اور اس کے پیش نظر منشور میں تمام ممالک سے علاقائی سالمیت اور خودمختاری سمیت بین الاقوامی قوانین کے اصولوں کو برقرار رکھنے کا مطالبہ کیا گیا تھا۔ یوکرین میں امن کی وکالت کی گئی۔ منشور کے مطابق، 'ہم مضبوط، پائیدار، متوازن اور جامع ترقی اور اپنے آب و ہوا کے مقاصد کو حاصل کرنے کے لیے متعدد راستوں پر عمل کرتے ہوئے صاف، پائیدار، مساوی، سستی اور جامع توانائی کی منتقلی کو تیز کرنے کے لیے پر عزم ہیں۔'G20 گروپ نے افراد، مذہبی علامات اور مقدس کتابوں کے خلاف مذہبی منافرت کی تمام کارروائیوں کی شدید مذمت کی۔ منشور میں مذہب یا عقیدے کی آزادی، اظہار رائے کی آزادی اور پرامن اجتماع کے حق پر بھی زور دیا گیا۔
