گلبرگہ: اسلامک پینٹنگ ایگزیبیشن کا انعقاد

عالمی شہرت یافتہ آرٹسٹ ایاز احمد نے کہا کہ تاریخ و تہذیب کو برقرار رکھنے میں آرٹسٹ کا اہم رول ہوتا ہے۔ گلبرگہ میں کئی تاریخی مساجد، درگاہیں، خانقاہیں اور عمارتیں موجود ہیں۔ ان عمارتوں پر کی گئی عربی نقاشی آج بھی عوام کو متاثر کرتی ہے۔

ریاست کرناٹک کے گلبرگہ شہر میں عید میلادالنبی کے موقع پر مقامی پینٹنگ آرٹسٹس کی جانب سے سنتراش واڑی میں اسلامک پینٹنگ ایگزیبیشن کا انعقاد کیا گیا۔اس موقع پر تمام مذاہب کے آرٹسٹس نے اپنی پینٹنگ پیش کی۔

اس موقع عالمی شہرت یافتہ آرٹسٹ ایاز احمد نے کہا کہ تاریخ و تہذیب کو برقرار رکھنے میں آرٹسٹ کا اہم رول ہوتا ہے۔ گلبرگہ میں کئی تاریخی مساجد، درگاہیں، خانقاہیں اور عمارتیں موجود ہیں۔ ان عمارتوں پر کی گئی عربی نقاشی آج بھی عوام کو متاثر کرتی ہے۔ اسی کے بدولت یہاں کے آرٹسٹس میں عربی اور اردو کیلیگرافی کا شوق موجود ہے۔

انہوں نے کہا کہ آرٹسٹ اپنے آرٹ کے ذریعے آنے والے حالات کو عوام کے سامنے رکھنے کی کوشش کرتا ہے۔ آرٹسٹ وہی ہوتا ہے جس کی تصویر بولتی ہے۔

اس موقع پر ایساس آرٹسٹ نے کہا کہ اردو، عربی، کنڑا اور انگریزی ہر زبان کی کیلیگرافی کی جاسکتی ہے لیکن‌ دنیاں بھر میں سب سے زیادہ کیلیگرافی عربی کی موجودہ ہیں۔ آج اس اسلامک پینٹنگ ایگزیبیشن کو رکھنے کا مقصد برادران وطن کو اس آرٹ سے متعارف کرانا تھا۔