کولکاتا:ویمن ان بلیو' کی نظریں آئی سی سی ویمنز ٹی 20 ورلڈ کپ پر ہیں لیکن پہلے ان کا مقابلہ آسٹریلیا سے ہوگا، جس نے 2020 ورلڈ کپ کے فائنل میں ہندوستان کو شکست دی تھی۔ دونوں ٹیمیں چیمپئن شپ اور ٹی ٹوئنٹی سیریز کی مضبوط دعویدار ہیں۔Indian Womens Team Face Challenge Against Australia
پانچ میچوں کی ٹی 20 سیریز 9 دسمبر سے شروع ہوگی اور یہ دونوں ٹیموں کے لیے بہترین تیاری ہوگی کیونکہ وہ اگلے سال کے اوائل میں منعقد ہونے والے آئی سی سی ویمنز ٹی20 ورلڈ کپ کے لیے اپنی رفتار تلاش کرنے کی کوشش کریں گے۔
ہرمن پریت نے ایشیا کپ 2022 کے دوران اسٹار اسپورٹس کے شو 'فالو دی بلوز' میں کہا، "میرے لیے تمام کھلاڑیوں کو ایک ساتھ رکھنا بہت ضروری ہے۔ میرا ماننا ہے کہ ہر ایک کو اپنے خیالات کا اظہار کرنا چاہیے اور ان کے ساتھ یکساں اہمیت کے ساتھ پیش آنا چاہیے۔ میں جانتی ہوں کہ کچھ کھلاڑی ٹیم کے لیے اچھی کارکردگی کا مظاہرہ کر سکتے ہیں، لیکن پھر بھی آپ کو اپنے دوسرے کھلاڑیوں کی ضرورت ہے جو ٹیم کے ساتھ ہیں اوران کے ساتھ بھی برابری کا سلوک کیا جانا چاہیے۔
یہ بھی پڑھیں:Pakistan vs England Test یہ شاید غیر ملکی سرزمین پر ہماری سب سے بڑی جیت ہے، اسٹوکس
انہوں نے کہا کہ بعض اوقات کچھ کھلاڑیوں کو زیادہ توجہ کی ضرورت ہوتی ہے۔ اس لیے بطور کپتان یہ میری ذمہ داری ہے کہ میں باہر جا کر ان سے بات کروں کہ وہ کیسا محسوس کر رہی ہیں اور وہ بطور کرکٹرکیسے اصلاح کرسکتی ہیں ۔ مجھے لگتا ہے کہ یہ سب واقعی مجھے ان کی رہنمائی کرنے میں مدد کر رہا ہے۔" کھلاڑی مجھ پر اور میرے منصوبوں پر یقین کررہی ہیں۔ یہ سب کافی اہم ہے۔Indian Womens Team Face Challenge Against Australia
