یووراج سنگھ کو اپنا آئیڈیل ماننے والے شبھمن (Shubman Gill) کے ٹسٹ کریئر کی یہ چوتھی نصف سنچری ہے۔ اس سے قبل وہ آٹھ میچوں میں 31.84 کی اوسط سے 414 رنز بنا چکے ہیں۔ وہ اب تک 87 گیندوں میں پانچ چوکے اور ایک چھکا لگا چکے ہیں۔
کیوی گیند بازوں کو میچ کے ابتدائی سیشن میں اپنی واحد کامیابی اوپنر مینک اگروال (13) کی وکٹ کی صورت میں ملی۔ وہ میڈیم پیسر کلے جیمسن کی آؤٹ سوئنگ ڈلیوری کو چھیڑنے کی کوشش میں ٹام بلنڈل کے ہاتھوں وکٹ کے پیچھے کیچ ہو گئے۔
یہ بھی پڑھیں: IND vs NZ: بھارت اور نیوزی لینڈ کے درمیان ہونے والا پہلا ٹیسٹ میچ جمعرات سے شروع
مینک (Mayank Agarwal) کے آؤٹ ہونے کے بعد کریز پر آنے والے چیتیشور پجارا (Cheteshwar Pujara) نے دوسرے سرے پر کھڑے شھبمن گل (Shubman Gill) کے ساتھ مل کر اسکور بورڈ کو آگے بڑھایا۔ دونوں بلے بازوں نے لنچ تک مہمان گیند بازوں کو کوئی موقع نہیں دیا۔
یو این آئی
