سیریز میں 2-0 کی ناقابل شکست برتری حاصل کرنے والے ہندوستانی کپتان روہت شرما نے ٹاس جیت کر پہلے بلےبازی کرنے کا فیصلہ کیا ۔ ہندوستان لوکیش راہول اور روی چندرن اشون کو آرام دے کر ایشان کشن اور یوزویندر چہل کو ٹیم میں لائے ۔ ہندوستان کو روہت اورکشن نے ہندوستان کو طوفانی شروعات دلائی اور پہلے چھ اوور میں 69 رن بنائے۔ اس دوران روہت اور کشن دونوں نے زبردست شاٹس لگائے۔ روہت نے 56 رن کی اپنی اننگز کا تیسرا چھکا لگاتے ہوئے ٹی 20 میں اپنے 150 چھکے مکمل کیے۔
ہندوستان کو پہلا دھچکا ساتویں اوور میں لیفٹ آرم اسپنر مچل سینٹنر نے کشن کو آؤٹ کر کے دیا ۔ کشن نے 21 گیندوں پر 29 رن میں سات چوکے لگائے ۔ سینٹنر نے اس اوور کی آخری گیند پر سوریہ کمار یادو کو بھی پویلین کا راستہ دکھایا ۔ سوریہ لگاتار دوسرے میچ میں سستے میں آؤٹ ہوئے ۔ رشبھ پنت چھ گیندوں میں چار رن بنا کر سینیٹر کے دوسرے اور نویں اوور کی آخری گیند پر آؤٹ ہوئے ۔ پنت کا وکٹ 83 کے اسکور پر گرا۔
کپتان روہت نے چوکا لگا کر اپنی نصف سنچری مکمل کی لیکن پھر وہ لیگ اسپنر ایش سوڈھی کو ریٹرن کیچ دیے بیٹھے ۔ روہت نے آگے بڑھ کر زور دار شاٹ لگایا لیکن گیند سوڈھی کے دائیں ہاتھ میں جا کرچپک گئی ۔ روہت اپنی 26ویں نصف سنچری بنانے کے بعد آؤٹ ہوئے۔ انہوں نے 31 گیندوں پر 56 رن میں پانچ چوکے اور تین چھکے لگائے۔ روہت کا وکٹ 103 کے اسکور پر گرا ۔ شریاس ایئر اوروینکٹیش ایئر نے پانچویں وکٹ کے لیے 36 رن بنائے لیکن اس کے بعد دونوں بلے باز ایک رن کے فاصلے پر آؤٹ ہو گئے ۔
یہ بھی پڑھیں:
T20 International Match: بھارت-نیوزی لینڈ ٹی 20 انٹرنیشنل میچ میں سکیورٹی انتظامات سخت
وینکٹیش کو ٹرینٹ بولٹ نے چیپ مین کے ہاتھوں کیچ کرایا جبکہ شریاس کو ایڈم ملنے نے آؤٹ کیا۔ وینکٹیش نے 15 گیندوں میں ایک چوکے اور ایک چھکے کی مدد سے 20 رن بنائے جبکہ شریاس نے 20 گیندوں میں دو چوکوں کی مدد سے 25 رن بنائے۔ ہرشل پٹیل نے 11 گیندوں میں دو چوکوں اور ایک چھکے کی مدد سے 18 رن بنائے۔ اکشر پٹیل دو رن بنا کر ناٹ آؤٹ رہے جبکہ دیپک چاہر نے آٹھ گیندوں پر دو چوکوں اور ایک چھکے کی مدد سے 21 رن بنائے۔ ہندوستان کی اننگز 184 رنز کے مضبوط اسکور پر ختم ہوئی ۔ نیوزی لینڈ کی جانب سے کپتانی سنبھالنے والے سینٹنر 27 رن پر تین وکٹیں لے کر سب سے کامیاب بولر رہے۔
یواین آئی
