بھارت نےمنگل کے روز برکس وزرائے خزانہ اور سنٹرل بینکزکے گورنر کی پہلی میٹنگ کی ورچوئل میزبانی کی۔ میٹنگ کی صدارت مرکزی وزیر خزانہ نرملا سیتارمن اور ریزرو بینک آف انڈیا کے گورنر ششی کانت داس نے مشترکہ طور پر کی۔ میٹنگ میں برکس ممالک کے وزرائے خزانہ اور ان کے سنٹرل بینکز کے گورنروں نے شرکت کی ۔
2021 میں بھارت کی قیادت میں برکس کے وزرائے خزانہ اور سنٹرل بینکوں کے گورنروں کی یہ پہلی میٹنگ تھی ۔ میٹنگ کے دوران برکس کے وزرائے خزانہ اور سنٹرل بینکوں کے گورنروں کے ساتھ بھارت کی جانب متعین مالی تعاون ایجنڈے پر تبادلہ خیال کیا۔
اس کے تحت گلوبل اکانومی آؤٹ لک اور کووڈ-19 وبا کے اثرات ، نیو ڈویلپمنٹ بینک (این ڈی بی) کی سرگرمیاں ، سوشل انفراسٹرکچر فنانسنگ اور ڈیجیٹل ٹکنالوجی کا استعمال ، کسٹم ڈیوٹی سے متعلق امور پر تعاون، آئی ایم ایف میں بہتری، ایس ایم ای کے لئے فنٹیک ، برکس ریپڈ انفارمیشن سکیورٹی چینل اور برکس بانڈ فنڈ پر تبادلہ خیال کیا گیا۔
