ملک میں کورونا کی دوسری خطرناک لہر بدستور جاری ہے۔ ایسے میں راحت کی بات یہ ہے کہ گزشتہ کئی روز کے مقابلے میں کورونا کیسز میں کمی آئی ہے حالانکہ بدھ کے روز کورونا سے ہلاک ہونے والوں کی تعداد سب سے زیادہ تھی۔
- " class="align-text-top noRightClick twitterSection" data="">
بھارت کی وزارت صحت کی جانب سے جاری کردہ اعداد و شمار کے مطابق گزشتہ 24 گھنٹے میں 276110 کورونا کے معاملے سامنے آئے ہیں جس سے کل تعداد 25772440 ہو گئی ہے جبکہ کورونا سے ہلاک ہونے والوں کی تعداد 3874 ہے جس سے کل تعداد 287122 ہو گئی ہے۔
ملک میں گزشتہ 24 گھنٹے میں ڈسچارج ہونے والوں کی تعداد 369077 ہے جس سے کل تعداد 22355440 ہو گئی ہے جبکہ کل ایکٹیو کیسز 3129878 ہے۔ ملک میں ویکسینیشن کی کل تعداد 187009792 ہوگئی ہے۔
انڈین کونسل آف میڈیکل ریسرچ (آئی سی ایم آر) کے مطابق ، کل (بدھ) تک بھارت میں کورونا وائرس کے کل 322356187 نمونہ ٹیسٹ کیے جاچکے ہیں، جن میں سے 2055010 نمونے کل ٹیسٹ کیے گئے تھے۔
ملک میں ایکٹیو کیسز کی شرح کم ہو کر 12.14 فیصد رہ گئی ہے ، جبکہ اموات کی شرح اب بھی 1.11 فیصد ہے۔
مہاراشٹر میں ایکٹیو کیسز کی تعداد 18020 سے کم ہو کر 404229 رہ گئی ہے۔ اسی عرصے کے دوران 51،457 مزید مریضوں کی شفایابی سے صحت مند مریضوں کی مجموعی تعداد 4978937 ہوگئی ہے، جبکہ مزید 594 مریضوں کی ہلاکت کے ساتھ ہی اموات کی مجموعی تعداد بڑھ کر 84371 ہوگئی ہے۔
کیرالہ میں اسی عرصے کے دوران ایکٹیوکیسز کی تعداد 15763 سے کم ہو کر 332226 رہ گئی اور48413 مریضوں کی شفایابی کے ساتھ صحت مند مریضوں کی مجموعی تعداد بڑھ کر 1894518 ہوگئی جبکہ مزید 112 مریضوں کی ہلاکت کے ساتھ ہی مرنے والوں کی مجموعی تعداد 6724 ہوگئی ہے۔
گذشتہ پانچ دنوں کے اعداد و شمار:
15 مئی۔ نئے معاملے ۔ 326098، اموات۔ 3890
16 مئی۔ نئے معاملے۔ 311170، اموات۔ 4077
17 مئی۔ نئے معاملے۔ 281386، اموات۔ 4106
18 مئی۔ نئے معاملے۔ 263533، اموات۔ 4329
19 مئی۔ نئے معاملے۔ 267334، اموات۔ 4529
20 مئی۔ نئے معاملے۔ 276110 ، اموات۔ 3874
