ملک میں گزشتہ 24 گھنٹے میں کورونا کے 4 لاکھ 14 ہزار 188 نئے معاملے سامنے آئے ہیں۔ اس سے کل مثبت معاملوں کی تعداد 21491598 ہو گئی ہے۔
گذشتہ 24 گھنٹوں میں کورونا سے ہونے والی اموات کی تعداد 3915 ہے، جس سے کل اموات کی تعداد 234083 ہو گئی ہے۔
ملک میں کل ایکٹیو کیسز کی تعداد 3645164 ہے اور ڈسچارج ہونے والوں کی تعداد 17612351 ہے۔
تفصیلات کے مطابق ملک بھر میں کورونا کے دن بہ دن بڑھتے قہر کے درمیان گذشتہ 24 گھنٹوں میں ریکارڈ 4.14 لاکھ سے زائد نئے کیسز سامنے آئے اور دوسرے دن بھی تقریباً چار ہزار سے زیادہ مریض ہلاک ہوئے، حالانکہ راحت کی بات یہ ہے کہ 3.31 لاکھ افراد کورونا سے صحتیاب بھی ہوئے۔
اس دوران جمعرات کو 23 لاکھ 70 ہزار 298 افراد کو کورونا کے ٹیکے لگائے گئے۔ ملک میں اب تک 16 کروڑ 49 لاکھ، 73 ہزار 58 افراد کی ٹیکہ کاری کی جا چکی ہے۔
مرکزی وزارت صحت کی جانب سے جمعہ کی صبح جاری اعداد و شمار کے مطابق گذشتہ 24 گھنٹوں میں ملک میں 414188 نئے کیسز آنے کے ساتھ ہی کورونا متاثرین کے اعداد و شمار بڑھ کر دو کروڑ 14 لاکھ 91 ہزار 598 ہو گئے۔ فعال کیسز میں مسلسل اضافہ ہونے سے ان کی تعداد 3645164 ہو گئی ہے۔ وہیں 331507 مریض صحتیاب ہوئے ہیں۔ مجموعی طور پر اب تک ایک کروڑ 76 لاکھ 12 ہزار 351 افراد کورونا کو شکست دے چکے ہیں۔
- " class="align-text-top noRightClick twitterSection" data="">
کورونا کی ریاست گیر تفصیلات جاننے کے لیے کسی بھی نقشے پر کلک کریں
دریں اثناء 3915 مریض ہلاک ہوئے ہیں‘ مجموعی طور پر اس وبا سے ہلاکتوں کی تعداد بڑھ کر 234083 ہو گئی ہے۔
ملک میں ریکوری ریٹ کم ہو کر 81.95 فیصد اور فعال کیسز کی شرح بڑھ کر 16.96 فیصد ہو گئی ہے، وہی شرح اموات ابھی 1.09 فیصد ہے۔
ریاستی سطح پر اگر کورونا کے کیسز کا جائزہ لیا جائے تو تلنگانہ میں ایکٹیو کیسز 3276 کم ہوکر 73,851 ہو چکے ہیں جبکہ 2625 افراد کی موت ہو گئی ہے۔ وہیں 4,05,164 مریض صحتیاب ہوئے ہیں ۔ آندھرا پردیش میں ایکٹیو کیسز 11,741 بڑھ کر 1,82,329 ہو گئے ہیں۔ ریاست میں کورونا کو شکست دینے والوں کی تعداد 10,37,4110 ہوچکی ہے جبکہ 8446 افراد کی موت ہو گئی ہے ۔ تمل ناڈو میں ایکٹیو کیسز 3157 بڑھ کر 1,31,468 ہوگئے ہیں اور اب تک 14,974 افراد لقمہ اجل بن چکے ہیں۔ وہیں 11,51,058 مریض صحتیاب ہوچکے ہیں۔
آبادی کے لحاظ سے ملک کی سب سے بڑی ریاست اتر پردیش میں گذشتہ 24 گھنٹوں کے دوران کورونا کے ایکٹیو کیسز 2630 کم ہوئے اوراب ان کی تعداد 2,59,844 ہو گئی ہے۔ ریاست میں اب تک 14,501 افراد کی اس وبا سے موت ہو گئی ہے اور 11,51,571 مریض صحتیاب ہوچکے ہیں۔
چھتیس گڑھ میں کورونا کے ایکٹیو کیسز 2034 بڑھ کر 1,31,245 ہوچکے ہیں۔ وہیں 6,75,294 افراد صحتیاب ہوئے ہیں جبکہ 212 مریضوں کی موت ہونے سے اس وبا سے مرنے والوں کی تعداد بڑھ کر 9950 ہوگئی ہے۔ مدھیہ پردیش میں ایکٹیو کیسز 630 کم ہو کر 86,814 ہو گئے ہیں اور اب تک 5,42,632 افراد صحتیاب ہوچکے ہیں جبکہ 6160 افراد کی اس وبا سے موت ہو گئی ہے ۔
پنجاب میں ایکٹیو کیسز 3561 بڑھ کر 66,568 ہو گئے ہیں اوراس وبا سے نجات حاصل کرنے والوں کی تعداد 3,39,803 ہو گئی ہے جبکہ 9979 مریضوں کی مو ت ہو گئی ہے۔ گجرات میں ایکٹیو کیسز 599 کم ہو کر 147525 ہو گئے ہیں اور اب تک 8035 افراد کی موت ہو گئی ہے۔ ریاست میں 490412 مریض صحتیاب ہو گئے ہیں۔ ہریانہ میں ایکٹیو کیسز 2417 بڑھ کر 1,15,842 ہو گئے ہیں۔ ریاست میں اس وبا کی وجہ سے 5137 کی موت ہو گئی ہے اور اب تک 4,90,412 افراد کورونا سے نجات پا چکے ہیں۔
مغربی بنگال میں کورونا وائرس ایکٹیو کیسز 902 بڑھ کر 1,22,774 ہوچکے ہیں اور اس وبا سے 11,964 افراد لقمہ اجل بن چکے ہیں۔ ریاست میں اب تک 8,00,328 افراد صحتیاب ہوئے ہیں۔ بہار میں ایکٹیو کیسز 1672 بڑھ کر 1,15,152 ہو گئے ہیں۔ ریاست میں اب تک 3077 افراد کی وبا سے موت ہو گئی ہے جبکہ 4,35,574 مریض صحتیاب ہوچکے ہیں۔
کورونا سے اب تک راجستھان میں 5182، جھارکھنڈ میں 3479، اتراکھنڈ میں 3293، جموں و کشمیر میں 2562، ہماچل پردیش میں 1737، آسام میں 1531، گوا میں 1501، پدوچیری میں 901، چنڈی گڑھ میں 901، منی پور 447، تریپورہ میں 404، میگھالیہ میں 193، سکم میں 158، لداخ میں 151، ناگالینڈ میں 121، اروناچل پردیش میں 59، میزورم میں 17، لکشدیپ میں 17 اور دادر-ناگر حویلی، دمن دیو میں چار افراد کی موت ہوئی ہے۔
