یوم خواتین کے موقع پر آج شہر عظیم آباد میں واقع خدا بخش لائبریری میں "پائیدار کل کے لیے صنفی مساوات، وقت کا تقاضا" کے موضوع پر مذاکرہ کا اہتمام ہوا جس میں مہمان خصوصی کی حیثیت سے نیشنل لاء یونیورسٹی پٹنہ کی وائس چانسلر جسٹس مریدولا مشرا شریک ہوئیں اور موجودہ حالات کے تناظر و صنفی مساوات کے تعلق سے پرمغز گفتگو کی۔
جسٹس مشرا نے طالبات سے خطاب کرتے ہوئے کہاکہ خواتین کسی بھی معاشرے کی ریڑھ ہیں، آج اگر پوری دنیا پر ترقی یافتہ ممالک کا راج ہے تو اس کی سب سے بڑی وجہ ہے کہ وہاں کے معاشرے میں سبھی کو برابری کا درجہ حاصل ہے، وہاں صنفی مساوات ہے، خواتین مردوں کے کندھے سے کندھے ملا کر ملک اور معاشرے کی ترقی میں اپنا کردار ادا کرتی ہیں۔ آج بھارت کی خواتین بھی یہی چاہتی ہے کہ وہ بغیر کسی روک ٹوک کے ملک کی تعمیر و ترقی میں اپنا کردار ادا کرے، اس کے لیے معاشرے کے ترقی پذیر طبقے کو آگے آنا ہوگا۔ اپنے بیٹوں کی طرح بیٹیوں کو بھی اچھی تعلیم دینی ہوگی۔ حالانکہ تعلیم کے تئیں لوگ بیدار ہوئے ہیں مگر بہار میں آج بھی کئی علاقے ایسے ہیں جہاں ناخواندگی کی شرح 80 سے 90 فیصد ہے، ہمیں تحریکی شکل میں لوگوں کو بیدار کرنا ہوگا۔
عالمی یوم خواتین کے موقع پر آج میرٹھ میں بھی ایک پروگرام کا اہتمام کیا گیا۔ یہ پروگرام مسلم خواتین کی سماجی تنظیم بزم خواتین کی جانب سے ایک خصوصی پروگرام کا انعقاد کا اہتمام کیا گیا، جس میں تنظیم کی اراکین نے شرکت کی۔ اس موقع پر تنظیم کی جانب سے کی جا رہی بے سہارا خواتین کے علاوہ تعلیم سے محروم لڑکیوں کو اعلیٰ تعلیم دینے کے لیے ہر ممکن مدد پہنچانے کی بات کہی گئی۔
ریاست مدھیہ پردیش کا دارالحکومت ایک تاریخی شہر ہے، اس شہر میں زیادہ تر خواتین نوابین نے حکومت کی ہے اور ان بیگمات نے شہر بھوپال کے لیے بہت سے نمایاں کاموں کو انجام بھی دیا ہے۔ جو مدھیہ پردیش ہی نہیں بلکہ پورے ملک میں جانی اور پہچانی جاتی ہے، یہ ہی وجہ ہے کہ آج عالمی یوم خواتین کے موقع پر بھوپال کے لوگوں نے ان بھوپال کی بیگمات کو یاد کیا۔
وہیں بھوپال کے موقع پر مختلف مقامات پر مختلف تنظیموں کی جانب سے یوم خواتین کے تعلق سے پروگرام کا اہتمام کیا گیا۔ ان اس موقع پر بھوپال کی فعال تنظیم ( بی بی ایم گروپ) برادر ہوڈ فور مائنارٹیز کے ذریعے مسلم سماج میں نمایاں کارنامہ انجام دینے والی اور مسلم طبقے سے تعلق رکھنے والی خواتین کی حوصلہ افزائی کی گئی اور انہیں اعزاز سے نوازا گیا۔
جے پور کے موتی ڈونگری روڑ علاقہ میں واقع مسافر خانے میں عالمی یوم خواتین کے موقع پر ایک پروگرام کا اہتمام کیا گیا۔
عالمی یوم خواتین کے موقع پر گلبرگہ مننورملٹی اسپیشلیٹی ہسپتال کی جانب سے ایک پروگرام کا اہتمام کیا گیا، جہاں لڑکیوں کو سیلف ڈیفنس کی تربیت دی گئی اور اسٹرانگ ویمن اسٹرانگ گلبرگہ نعرہ دیا گیا۔
