دہلی کے جنتر منتر پر کسانوں کے مہاپنچایت کے سلسلے میں غازی پور سرحد پر سیکورٹی بڑھا دی گئی ہے۔ دہلی میں داخل ہونے والی گاڑیوں پر پولیس مسلسل نظر رکھے ہوئے ہیں۔
Security intensified at Delhi borders ahead of Kisan Mahapanchayat
واضح رہے کہ 22 اگست کو کسان دہلی میں احتجاج کرنا چاہتےتھے لیکن سیکورٹی وجوہات کی وجہ سے دہلی پولیس نے انہیں اپنے حامیوں کے ساتھ دہلی میں داخل ہونے کی اجازت نہیں دی۔ اتوار کو راکیش ٹکیت سرحد پر دھرنا دینا چاہتے تھے لیکن پولیس نے انہیں اور ان کے حامیوں کو حراست میں لے لیا۔ دو گھنٹے بعد جب ٹکیت نے دہلی میں داخل نہ ہونے کی یقین دہانی کرائی تو پولیس نے انہیں چھوڑ دیا۔
بتایا جا رہا ہے کہ راکیش ٹکیت اور کئی کسان یونینز نے اعلان کیا ہے کہ وہ 22 اگست کو جنتر منتر پر احتجاج کرنا چاہتے ہیں۔ لکھیم پور کھیری میں مرنے والے کسانوں کے معاملے میں کسان انصاف کا مطالبہ کر رہے ہیں۔ ساتھ ہی وہ یہ بھی مطالبہ کر رہے ہیں کہ کسانوں سے جن مطالبات کا وعدہ کیا گیا تھا انہیں جلد پورا کیا جائے۔
