گوا میں بحریہ کی فوج کو ’’آزادی کا امرت مہوتسو‘‘ کے تحت پرچم کشائی کرنے سے روک دیا گیا جس کے بعد پروگرام کو ملتوی کرنا پڑا ہے۔
دراصل گوا کے ساؤ جیے سنٹو پر بحریہ نے ’’آزادی کا امرت مہوتسو‘‘ کے تحت پرچم کشائی اور جشن منانے کے لئے ایک پروگرام منعقد کرنے کا فیصلہ کیا تھا۔ لیکن اس جزیرے پر رہنے والے لوگوں نے پرچم کشائی اور جشن منانے پر اعتراض کیا۔ اس کے بعد بحری شعبے کے افسران نے جمعہ کو وہاں پروگرام منعقد نہ کرنے کا فیصلہ کیا۔
مزید پڑھیں: وہیکل اسکریپنگ پالیسی خود انحصار بھارت کی سمت میں بڑا قدم: مودی
سوشل میڈیا پر گوا کے جیے سنٹو جزیرے پر پرچم کشائی کے تعلق سے لوگوں نے اعتراضات کیے ہیں۔ لوگوں کا کہنا ہے کہ پورے ملک میں پرچم کشائی کی جانی چاہیے، اس پر کسی کو اعتراض کرنے کا حق نہیں ہے۔
