افغانستان کی صورت حال کے اثرات بھارت پر زیادہ نہیں ہوں گے: عمر عبداللہ

جموں و کشمیر کے سابق وزیراعلیٰ عمر عبداللہ نے کہا ہے کہ افغانستان کی صورتحال کا بھارت پر زیادہ اثر نہیں پڑے گا۔ انہوں نے کہا کہ اس کی وجہ یہ ہے کہ سرحدیں مضبوط ہیں اور دراندازی کنٹرول میں ہے۔ وہ گیتم یونیورسٹی حیدرآباد میں کوٹیلیا سکول آف پبلک پالیسی کے طلباء سے خطاب کر رہے تھے۔ انہوں نے نوجوانوں سے اپیل کی کہ وہ سیاست میں شامل ہوں اور موروثی سیاست سے باہر نکل کر نئے لوگ شامل ہوں۔

عمر عبداللہ نے طلباء کے کئی سوالات کے جوابات دیئے۔ جب ایک طالب علم کے ذریعہ پوچھا گیا کہ اگر وہ موجودہ وزیر اعظم ہوتے تو وہ افغانستان کے مسئلے پر کیا رد عمل دیں گے؟ انہوں نے کہا کہ وہ انسانیت کے نقطہ نظر سے کام کریں گے اور زیادہ سے زیادہ پناہ گزینوں کو پناہ دیں گے۔

انہوں نے مزید کہا کہ جموں و کشمیر کے علاوہ دیگر مسائل بھی پاک بھارت تنازعہ سے متعلق ہیں۔ انہوں نے کہا کہ جب تک کوئی معجزہ نہیں ہوتا دونوں ممالک کے درمیان اتفاق رائے نہیں ہو سکتا۔

عمر عبداللہ

انہوں نے کہا کہ آرٹیکل 370 بھارت اور جموں و کشمیر کے درمیان آئینی پُل ہے۔ عبداللہ نے کہا کہ جموں و کشمیر کے لوگ مایوسی کا شکار ہیں۔ انہوں نے کہا کہ اپوزیشن کو تعمیری کردار ادا کرنا چاہیے اور پارلیمنٹ میں عوامی مسائل پر بحث کے لیے پہل کرنی چاہیے۔ شمال مشرق کی ریاستوں نے واضح کر دیا ہے کہ علاقائی جماعتوں سے وزیر اعظم بننا مشکل ہو گا۔