ہندو سینا نے اکبر روڈ کی پٹی پر راجہ ہیمو وکرمادتیہ مارگ کا پوسٹر چسپاں کیا

دہلی میں ہندو سینا نے اکبر روڈ کی پٹی کو تبدیل کرنے کی کوشش کی اور اس پر راجہ ہیمو وکرمادتیہ مارگ کا پوسٹر چسپاں کیا۔ ہندو سینا کے صدر وشنو گپتا نے پوسٹر چسپاں کرتے ہوئے ایک ویڈیو بھی شیئر کی ہے، جس میں انہوں نے 7 اکتوبر کو راجہ ہیمو یادگاری دن کے طور پر منانے کا مطالبہ کیا ہے۔

دہلی کے اکبر روڈ نام کی پٹی پر ہندو سینا نے سمراٹ ہیمو وکرمادتیہ مارگ چسپاں کیا ہے۔ اس سلسلے میں ہندو سینا نے ایک ویڈیو جاری کیا ہے، جس میں ہندو سینا کے صدر وشنو گپتا اکبر روڈ نام کی پٹی پر ہیمو راجہ کے نام کا پوسٹر چسپاں کرتے ہوئے نظر آرہے ہیں۔

اس دوران ہندو سینا کے صدر وشنو گپتا نے حکومت سے 7 اکتوبر کو راجہ ہیمو یادگاری دن کے طور پر منانے کا مطالبہ کیا ہے۔

آپ کو بتادیں کہ سمراٹ وکرمادتیہ کو ہیمو راجہ کے نام سے بھی جانا جاتا تھا۔ وہ ایک ہندو راجہ تھے۔ انہوں نے 22 سے زیادہ جنگوں میں فتح حاصل کی ہیں، اس کے علاوہ 16 ویں صدی میں بھارت پر حکومت کی۔ پانی پت کی دوسری جنگ کے دوران ان کی موت ہو گئی۔