بھوپال: ریاست مدھیہ پردیش کے ضلع ستنا کے ایک پرائیویٹ کالج میں کالج انتظامیہ نے امتحان دینے آئی ایم کام فائنل ائیر کی باحجاب طالبہ کو اس وقت روک دیا گیا جب وہ امتحان دینے کلاس میں داخل ہورہی تھی۔ Muslim student Forced to Write Apology for Wearing Burqa
کالج انتظامیہ نے طالبہ سے کہا کہ امتحان سے قبل اس کو حجاب ہٹا کر ڈریس کوڈ میں آنا پڑے گا، اسی صورت میں امتحان دینے کی اجازت ہوگی۔
اس دوران طالبہ اور کالج انتظامیہ کے درمیان بحث ہونے لگی جس کے بعد کالج انتظامیہ کی جانب سے باحجاب طالبہ کے ایڈمٹ کارڈ پریہ لکھوایا گیا کہ انہیں کالج کے اصول کے مطابق ڈریس کوڈ میں ہی کالج میں داخلہ کی اجازت ہوگی۔
مزید پڑھیں:۔ Puducherry Hijab Issue: پڈوچیری کے ایک سرکاری اسکول میں بھی حجاب پر پابندی
بعد ازاں طالبہ نے کالج انتظامیہ کے مطابق ایڈمٹ کارڈ پر ڈریس کوڈ میں آنے کی بات لکھی اور بعد میں طالبہ نے حجاب اتار کر امتحان دیا۔
وہیں اس معاملے پر کالج کی پرنسپل شیوش بگھیل سنگھ نے کہا کہ کالج میں ڈریس کوڈ نافذ ہونے کی وجہ سے سبھی طلباء کو ڈریس کوڈ کا اہتمام کرنا پڑتا ہے اور اس کے لئے ہدایت بھی جاری کی گئی ہے۔ پرنسپل نے کہا طالبہ سے جو بھی ہدایت ایڈمٹ کارڈ پر لکھائی گئی ہے، وہ طالبہ کے گھر والوں کے سامنے کیا گیا ہے۔ انہوں نے کہا ہم نہیں چاہتے ہیں کہ کسی بھی وجہ سے کوئی بھی طلباء کی تعلیم میں رکاوٹ پیدا ہو۔
