قابل ذکر ہے کہ ہردیپ 17 جنوری کو متحدہ عرب امارات میں ادنوک تیل کی تنصیب پر حوثی ڈرون حملے میں مارے گئے دو ہندوستانیوں میں سے ایک تھا اور تیسرا پاکستانی شہری تھا۔
ہردیپ کی موت کے 10ویں دن ہندوستان کے پنجاب میں واقع اس کے گاؤں مہسم پور میں سینکڑوں لوگ اس کے گھر پر جمع ہوئے۔ ہردیپ ابوظہبی نیشنل آئل کارپوریشن میں ٹینکر ڈرائیور تھا اور اپنے گھر کا واحد کمانے والا تھا۔ہردیپ کی موت کے بعد اس کی بیوی کو گہرا صدمہ پہنچا ہے۔ وہ ہمیشہ بولتی رہتی ہے ’’وہ ہمیںتنہا نہیں چھوڑے گا، وہ ضرور آئے گا۔‘‘
ابوظہبی میں رہنے والے ہردیپ کے کزن گگندیپ سنگھ نے دی نیشنل کو بتایاکہ پنجاب بھر سے لوگ ان کے گھر آئے ہیں تاکہ ان کے خاندان کو طاقت اور اس کے سفر میں سکون کی دعا کریں۔
یہ بھی پڑھیں:
- Yemen Houthis Claim Attack on UAE: حوثی باغیوں کا ابوظہبی میں حملہ، دو بھارتی سمیت تین ہلاک
- UAE Destroys Missiles: یو اے ای نے حوثی باغیوں کے دو میزائلوں کو تباہ کیا
ہردیپ کی موت کے بعدکوئی بھی اس پر یقین نہیں کر پارہا ہے، کیونکہ بہت سے لوگ اس سے پیار کرتے تھے۔ ان کے انتقال کے بعد ہر کوئی ان کے خاندان اور بیوی کے مستقبل کے لیے فکر مندہے۔
یو این آئی
