گجرات مسلم ہت رکشک کمیٹی کا مولانا کلیم صدیقی اور آسام معاملے پر میمورنڈم

'گجرات مسلم ہت رکشک کمیٹی' کے رکن اور جماعت اسلامی کے ریاستی سیکرٹری واصف حسین شیخ نے کہا کہ 'مولانا کلیم صدیقی اور آسام کے معاملے پر احتجاج کرتے ہوئے گجرات کی مختلف تنظیمی جن میں گجرات مسلم ہت رکشک کمیٹی، جماعت اسلامی ہند، جمعت علماء ہند، ایس آئی او، ملی کؤنسل، مسلم مجلس مشاورت شامل ہیں نے مل کر احمدآباد کے کلکٹر کو میمورنڈم سونپا ہے۔

مولانا کلیم صدیقی کی گرفتاری اور آسام میں مسلمانوں پر ہوئے مظالم کے خلاف 'گجرات مسلم ہت رکشک کمیٹی' کی جانب سے احمدآباد کے کلکٹر کے ذریعے صدر مہوریہ کو میمورنڈم بھیجا گیا۔

اس تعلق سے 'گجرات مسلم ہت رکشک کمیٹی' کے رکن اور جماعت اسلامی ہند گجرات کے سیکریٹری واصف حسین شیخ نے کہا کہ 'مولانا کلیم صدیقی اور آسام کے معاملے پر گجرات کی مختلف تنظیمیں، گجرات مسلم ہت رکشک کمیٹی، جماعت اسلامی ہند، جمعت علماء ہند، ایس آئی او، ملی کاؤنسل، مسلم مجلس مشاورت جیسی تنظیموں نے مل کر احمدآباد کے کلیکٹر کو میمورنڈم سونپا اور اپنے اپنے میمورنڈم کو صدر جمہوریہ تک پہنچانے کو کہا۔انہوں نے کہا کہ 'مولانا کلیم صدیقی کو غیر قانونی طریقے سے گرفتار کیا گیا اور ان پر الزام لگایا گیا کہ وہ جبراً لوگوں کا مذہب تبدیل کرا رہے ہیں۔ یہ مولانا پر بے بنیاد اور غلط الزام ہے۔

انہوں نے کہا کہ 'دوسرا اہم مسئلہ آسام کا ہے، جسے دیکھ کر عام انسانوں کی روح کانپ اٹھی، آسام میں مسلمانوں پر ظلم و ستم ڈھائے گیے۔ ہم اس معاملے کی سخت مذمت کرتے ہیں۔ انہوں نے کہا کہ 'ہم نے اپنے میمورنڈم میں صدر جمہوریہ سے مطالبہ کیا ہے کہ۔۔۔

1- حضرت مولانا کلیم صدیقی صاحب کا مکمل احترام کے ساتھ جلد رہا کیا جائے اور اب کے خلاف مقدمہ واپس لیا جائے۔

2- غیر قانونی طریقے سے حضرت مولانا کلیم صدیقی صاحب کی گرفتاری کرنے پر اے ٹی ایس ساروجنک طور پر معافی مانگے۔

3- آسام کے معاملے میں جوڈیشل انکوائری کی جاے اور اسے عوام کے سامنے لایا جائے۔

4- آسام کے پولس فائرنگ کے شکار ہوئے لوگوں کو ایک کروڑ کا معاوضہ دیا جائے.