ریاست گجرات میں اب تک کورونا سے مرنے والوں کی کل تعداد 7000 کو تجاوز کر چکی ہے، گزشتہ 24 گھنٹوں کے دوران ریاست میں 173 افراد ہلاک ہوئے ہیں، جس کی وجہ سے یہاں کورونا سے ہلاک ہونے والوں کی جملہ تعداد 7183 ہو گئی ہے۔ دوسری جانب وہیں 24 گھنٹوں کے دوران یہاں کورونا وائرس کے 14605 نئے معاملے سامنے آئے ہیں۔
گجرات میں کورونا کو شکست دے کر اپنے گھر جانے والوں کی کل تعداد 4 لاکھ 18 ہزار 548 پر پہنچ گئی ہے۔ تاہم گزشتہ 24 گھنٹوں کے دوران 10 ہزار 180 افراد کو اسپتال سے ڈسچارج بھی کیا گیا ہے۔
واضح رہے کہ موجودہ وقت میں گجرات میں کورونا وائرس کے کل ایکٹیو مریضوں کی تعداد ایک لاکھ 42 ہزار 46 ہے، جس میں سے ایک لاکھ 41 ہزار 433 افراد کی حالت مستحکم بھی ہوئی ہے جب کہ 613 مریض اب بھی وینٹی لیٹر پر ہیں۔
محکمہ صحت گجرات کے مطابق گزشتہ 24 گھنٹوں میں احمدآباد میں 5391، سورت میں 1739، بڑودہ میں 654، گاندھی نگر میں 169، بھاونگر میں 300، بناس کانٹھا میں 234، راجکوٹ میں 621، سریندر نگر میں 211، پاٹن میں233، امریلی میں 197، جام نگر میں 396، مہسانہ میں 516، جب کہ کچھ علاقہ میں کورونا وائرس کے 157 نئے معاملے درج ہوئے ہیں۔
