شملہ: ہماچل پردیش کے ضلع شملہ کے کمارسین تھانہ علاقے کے تحت سونادھر پٹوار سرکل میں ایک کارکے کھائی میں گرنے سے ڈرائیور سمیت چار مہاجر مزدور ہلاک اور ایک زخمی ہوگیا۔
پولیس کے مطابق یہ حادثہ ہفتہ کی رات تقریباً 10.45 بجے پیش آیا۔ مرنے والے تمام مزدور بتائے جا رہے ہیں۔ کمارسین پولیس کی ٹیم کے علاوہ فائر بریگیڈ کے عملہ سمیت ریسکیو ٹیموں نے بڑی محنت سے ہلاک اور زخمی کو کھائی سے نکالا۔ کار تقریباً 250 میٹر گہری کھائی میں گر گئی۔ حادثے کا شکار ہونے والے مزدور رہائشی عمارت میں لینٹر ڈالنے کے کام کے لیے جا رہے تھے۔ Car Accident In Himachal
پولیس نے مہلوکین کی شناخت کیشو کھاچی (50) ولد کول رام پی او تحصیل ٹھیوگ، وجے رام ولد گنگا دیو رام گاؤں مرتیانا، ڈاک گھر ڈگوا دیولی، ضلع گوپال بہار، معراج علی اور شمبھو انصاری بہار کے طور پر کی ہے۔ جبکہ زخمی شخص کا نام نذیر الدین علی ہے۔ ہلاک ہونے والوں میں تین مہاجر مزدور اور ایک شخص ٹھیوگ کا ہے۔ پولیس نے مقدمہ درج کر کے حادثے کی وجوہات جاننے کے لیے تفتیش شروع کر دی ہے۔
یہ بھی پڑھیں : Congress promise old pension scheme کانگریس اقتدار میں آتے ہی ملازمین کی پرانی پنشن بحال کرے گی، پرتیبھا سنگھ
یواین آئی
