نئی دہلی: میگھالیہ میں اگلے سال ہونے والے اسمبلی انتخابات سے قبل چار ایم ایل اے بدھ کے روز پارٹی ہیڈکوارٹر میں بھارتیہ جنتا پارٹی میں شامل ہوگئے۔ تمام اراکین اسمبلی نے این ای ڈی اے کے کنوینر اور آسام کے وزیر اعلیٰ ہیمنت بسوا سرما، قومی ترجمان سمبت پاترا اور دیگر سینئر لیڈروں کی موجودگی میں پارٹی میں شمولیت اختیار کی۔ ان اراکین اسمبلی میں نیشنل پیپلز پارٹی (این پی پی) کے دو ایم ایل اے فرلن سنگما اور بینیڈک ماراک، ترنمول کانگریس کے ایچ ایم شانگپلینگ اور آزاد ایم ایل اے سیموئل سنگما شامل ہیں۔Four Meghalaya MLAs join BJP
پارٹی میں شامل ہونے والے ایم ایل اے کو مبارکباد دیتے ہوئے ہیمنت بسوا سرما نے کہا کہ آنے والے اسمبلی انتخابات کے پیش نظر ان اراکین اسمبلی کے پارٹی میں شامل ہونے سے ریاست میں بی جے پی مضبوط ہوگی۔ انہوں نے کہا، "آج یہ ایم ایل اے بی جے پی میں شامل ہوئے کیونکہ انہوں نے شمال مشرق میں وزیر اعظم نریندر مودی کے ترقیاتی ایجنڈے پر اپنا اعتماد ظاہر کیا ہے۔"
شانگپلینگ، فرلن سنگما اور بینیڈک ماراک نے گزشتہ ماہ اسمبلی کے اسپیکر میٹباہ لنگڈوہ کو اپنے استعفے سونپ دیے تھے۔ بی جے پی، این پی پی کی زیر قیادت میگھالیہ ڈیموکریٹک الائنس میں اتحادی ہے، جو اس وقت شمال مشرقی ریاست میگھالیہ میں برسراقتدار ہے۔
یہ بھی پڑھیں: CM Mamata Banerjee In Meghalaya میگھالیہ میں ممتابنرجی کا شاندار استقبال
AAP MLA Joining BJP Rumour میں بی جے پی میں شامل نہیں ہو رہا ہوں، عام آدمی پارٹی ایم ایل اے
یو این آئی
