کرناٹک میں اوقافی جائیدادوں کے تحفظ کیلئے پریشر گروپ کا قیام

ریاست کرناٹک میں ہزاروں ایکڑ اوقافی جائیددادیں ناجائز قبضے میں ہیں اور ان کے تحفظ کے سلسلے میں کرناٹک وقف بورڈ پوری طرح سے ناکام ہوچکا ہے۔ حالانکہ جب کبھی بھی وقف بورڈ کی تشکیل ہوئی، کئی قابل شخصیات اس کا حصہ رہیں۔ اس کے باوجود وقف بورڈ میں بدعنوانی، دھاندلی و اسکیمز جاری و ساری رہے۔

اوقافی جائیدادوں کو ناجائز قبضوں سے آزاد کرانے اور ان کے تحفظ کے لیے "وژن کرناٹک" کی جانب سے ایک اہم اجلاس کا انعقاد کیا گیا جس میں شہر کے کئی سماجی و ملی اداروں رہبران، دانشوران و سماجی کارکنان نے "وقف املاک کا تحفظ اور تنظیموں کی ذمہ داریاں" کے عنوان پر تبادلہ خیال کیا۔

اس موقع پر بحث کے بعد شرکاء مجلس نے متفقہ طور پر یہ فیصلہ کیا کہ ایک "پریشر گروپ" بنایا جائے گا، جس میں باقاعدہ ایک لیگل سیل و مکمل میکانزم تیار کیا جائے گا تاکہ اس کے ذریعے اوقافی جائیدادوں کے معاملات کو مؤثر طریقے سے حل کیا جاسکے اور کرناٹک وقف کو جواب دہ بنایا جاسکے۔

وژن کرناٹک کے کنوینر مختار نے بتایا کہ یہ ابتدا ہے۔ آنے والے دنوں میں اوقافی جائیدادوں کے تحفظ کے لئے اسے ایک مہم کی شکل دی جائے گی۔

سید اقبال نے بتایا کہ اوقافی جائیدادوں کے تحف کے سلسلے میں ہر ممکن کوشش کی جائے گی۔