یہ سیب ہماچل پردیش کے کسانوں سے حاصل کیے گئے ہیں اور اے پی ڈی اے کے رجسٹرڈ ڈی ایم انٹرپرائزز کے ذریعہ اس ملک کو بھیجا گیا۔ یہ سیب سرکردہ ریٹیلر الجزیرہ گروپ کی جانب سے منعقدہ ایپل پروموشن پروگرام میں دکھائے جائیں گے، جس کی شروعات 15 اگست 2021 کو ہوگی۔ یہ پروگرام ہندوستان کی آزادی کا امرت مہوتسوکے موضوع پر ہندوستان کی آزادی کے جشن کے 75 ویں سال کے موقع پر شروع ہوگا۔
ایپل پروموشن پروگرام بھارت میں سیبوں کی اقسام کے بارے میں بحرین میں صارفین کو قائل کرنے کے لئے منعقد کیا جارہا ہے۔ یہ پروگرام ایسے وقت میں کیا جارہاہے جب بھارت کووڈ-19 وبا سے درپیش لوجسٹیکل چیلنجوں کے باوجود نئے ممالک میں آموں کی برآمدات کو بڑھانے کے لئے اپناقدم جمارہا ہے۔
جولائی 2021 میں مشرقی خطوں جن میں خاص طور سے مشرق وسطیٰ کے ممالک میں آموں کی برآمدات کے امکانات کو فروغ دینے کے لئے بڑے اقدامات کرتے ہوئے مغربی بنگال کے ضلع مالدہ سے جغرافیائی شناخت شدہ ( جی آئی ) تصدیق شدہ فضلی آم کی اقسام حاصل کرکے بحرین کو بھیجی گئیں۔ اے پی ڈی اے سے رجسٹرڈ ڈی ایم انٹرپرائزز کولکتہ نے فضلی آم کی کھیپ کو برآمدکیا ،جس کو الجزیرہ گروپ، بحرین نے درآمد کیا۔
اے پی ای ڈی اے غیر روایتی خطوں اور ریاستوں سے آموں اور سبزیوں کی برآمدات کو فرٰوغ دینے کے لئے اقدامات کی شروعات کررہا ہے۔ اے پی ای ڈی اے ،آموں کی برآمدات کو فروغ دینے کے لئے ورچوئل خریدار فروخت کنندہ کے اجلاس اور میلوں کا انعقاد کررہا ہے۔
مزید پڑھیں: کانپور پٹائی معاملہ: قومی اقلیتی کمیشن کا پولیس کمشنر کو نوٹس
آم کی کھیپ بحرین کو بھیجنے سے قبل اے پی ای ڈی اے قطر کےدوحہ میں 'مینگو پروموشن' پروگرام کا انعقاد کیا، جہاں مغربی بنگال اور اترپردیش سے جی آئی تصدیق شدہ آموں کی 9 اقسام کو درآمد کنندگان فیملی فوڈ سینٹر کے اسٹورس پر دکھایا گیا۔
یو این آئی
