گجرات کے وسطی کھیڑا ضلع کے مہودھا تعلقہ کے منگل پور پٹیا گاؤں کے قریب کل دیر شب ایک سڑک حادثے میں ایک ہی خاندان کے چار افراد ہلاک اور دو دیگر زخمی ہوگئے۔
پولیس نے آج بتایا کہ ضلع مہیساگر کے سنترامپور کے ایک خاندان کے پانچ افراد ضلع آنند کے ملتاج میں میلڈی ماتا کے مندر میں درشن کے لئے جارہے تھے، کار کو ایک دوسرا شخص چلا رہا تھا۔
اس دوران راستے میں سامنے سے آرہے ایک تیز رفتار ٹرک نے ان کی گاڑی کو ٹکر ماردی۔ ٹرک کا ڈرائیور گاڑی چھوڑ کر فرaر ہوگیا۔
مزید پڑھیں:۔ ادھم پور: جکھونی علاقے میں سڑک حادثے میں ایک ہی کنبہ کے تین افراد زخمی
کار میں سوار ایک شخص کی موقع پر ہی موت ہوگئی۔ دو افراد نڈیاد کے سول اسپتال میں اور ایک نے احمد آباد کے سول اسپتال میں دم توڑدیا۔ دو دیگر کو نڈیاد کے سول اسپتال میں داخل کیا گیا ہے۔
(یو این آئی)
