دارالحکومت دہلی میں کورونا وائرس اور اومیکرون کے بڑھتے کیسز Rising Cases of Corona Virus Omicron in Delhi پر دہلی کے وزیر صحت ستیندرجین Delhi Health Minister Satyendar Jain نے کہا کہ ملک میں کورونا وائرس کی تیسری لہر آچکی ہے، جب کہ دہلی میں پانچویں لہر ہے۔
انہوں نے اندیشہ ظاہر کیا کہ آ ج دہلی میں میں تقریباً دس ہزار سے زائد کورونا کے کیسز 10000 Covid Cases In Delhi Likely Today آسکتے ہیں۔ انہوں نے لوگوں سے اپیل کی کہ وہ نہ گھبرائیں اور جب گھر سے نکلیں تو ماسک لگاکر ضرور نکلیں۔ انہوں نے کہا کہ ابھی تک اس میں بہت ہلکی علامات پائی گئی ہیں۔
وزیر صحت ستیندر جین نے کہا کہ اس وبا کو دیکھتے ہوئے تمام تدابیر اختیار کیے جارہے ہیں تاکہ لوگوں کو پریشانی نہ ہو۔ انہوں نے کہا کہ وبا کو دیکھتے ہوئے اسپتالوں میں الگ بیڈ مختص کیے جارہے ہیں پرائیویٹ اسپتالوں میں بھی سہولیات دستیاب کرائی جارہی ہیں۔
انہوں نے کہا کہ آکسیجن کے لیے 'ایل ایم او' ٹینکس موجود ہیں، اس کی لائیو معلومات کے لیے سسٹم نصب کیا گیا ہے۔ کورونا وار روم میں بستر سے لے کر آکسیجن تک ہر چیز کے بارے میں تمام معلومات موجود ہوں گی۔ دہلی کے وزیر صحت نے کہا کہ 'ابھی ہر کسی کی جینوم سیکیوینسنگ ممکن نہیں ہے، لیکن اب سیمپل سیکیوینسنگ کرائی جا رہی ہے۔
- مزید پڑھیں: Doctors and Students covid positive: پٹیالہ میڈیکل کالج کے ڈاکٹرز اور طلباء کورونا متاثر
وزیر صحت نے کہا کہ آج انفیکشن کی شرح 10 فیصد کے قریب ہوسکتی ہے اور نئے کیسز 10 ہزار کے قریب ہو سکتے ہیں۔ وزیر اعلیٰ کیجریوال کے بارے میں انہوں نے کہا کہ وزیر اعلیٰ کی صحت ٹھیک ہے، وہ فی الحال ہوم آئیسولیشن میں ہیں۔ حال ہی میں دہلی کے وزیر اعلیٰ اروند کیجریوال بھی کورونا کی لپیٹ میں آ گئے تھے۔
