farmers protest: وزیر اعظم کا پتلہ نذر آتش

دہلی کے الگ الگ بارڈر پر اپنے مطالبات کو لے کر احتجاج کر رہے کسانوں کے احتجاج farmers protest کو آج 6 مہینے پورے ہو چکے ہیں۔ اس موقع پر کسانوں نے آج کے دن کو یوم سیاہ black day کے طور پر منانے کا اعلان کیا ہے۔

غازی پور بارڈر پر کسانوں کے احتجاج کی قیادت کسان رہنما راکیش ٹکیت rakesh tikait کر رہے ہیں جنہوں نے آج کے لئے خاص کالی پکڑی باندھ رکھی ہے۔ اس موقع پر کسانوں کے ذریعے وزیر اعظم کا پتلا بھی نذر آتش کیا گیا جسے بجھانے کو لے کر کسانوں اور پولیس کے درمیان ہلکی سی جھڑپ بھی ہوئی۔

دہلی پولیس کی بیریکیڈنگ پر کالے جھنڈے لگانے کے دوران کسانوں نے وزیر اعظم نریندر مودی کے پتلے کو اچانک آگ لگا دی جس کے بعد وہاں ہنگامہ برپا ہو گیا۔

وہاں پر موجود غازی آباد پولیس نے پتلے میں لگی آگ کو بجھانے کی کوشش کی جس کے بعد کسانوں اور پولیس کے درمیان ہلکی جھڑپ بھی ہوئی۔