Awantipora Encounter اونتی پورہ تصادم میں ایک فوجی اور دو عسکریت پسند ہلاک

ضلع پلوامہ کے اونتی پورہ میں سکیورٹی فورسز اور عسکریت پسندوں کے درمیان تصادم میں اب تک ایک فوجی اور دو عسکریت پسند کی ہلاکت ہوئی ہے جبکہ تصادم ابھی بھی جاری ہے۔ Encounter between security forces and militants in awantipora

پلوامہ: جنوبی کشمیر کے ضلع پلوامہ کے اونتی پورہ علاقے میں عسکریت پسندوں اور سیکیورٹی فورسز کے درمیان ایک مقابلے میں تازہ ترین اطلاعات کے مطابق ایک فوجی اہلکار کی بھی ہلاکت ہوئی ہے جبکہ تصادم میں دو عسکریت پسند ہلاک جبکہ دو فوجی اہلکار زخمی ہو گئے تھے۔ یہ تصادم سرینگر جموں شاہراہ سے متصل پدگام پورہ گاؤں میں چل رہا ہے جو پولیس ضلع اونتی پورہ کے قریب واقع ہے۔ اطلاعات کے مطابق فوج، سی آر پی ایف اور پولیس کی مشترکہ ٹیم نے علاقے میں کچھ عسکریت پسندوں کی موجودگی کے بارے میں مصدقہ اطلاعات ملنے کے بعد اس گاؤں کو محاصرے میں لیا اور تلاشی کی کارروائی شروع کی۔

اونتی پورہ تصادم میں ہلاک شدہ دونوں عسکریت پسندوں کی شناخت کر لی گئی ہے۔ پہلے عسکریت پسند کی شناخت عاقب مشتاق بھٹ پلوامہ (اے کیٹگری) اور دوسرے عسکریت پسند کی شناخت اعجاز احمد بھٹ (سی کیٹگری) ولد غلام محمد بٹ ساکن سیدآباد، پاسانہ ترال کے طور پر کی گئی ہے۔

• #AwantiporaEncounterUpdate: Killed #terrorist identified as Aqib Mustaq Bhat of #Pulwama (A category). He initially worked for HM #terror outfit, nowadays he had been working with TRF. #Killer of late Sanjay Sharma #neutralised: ADGP Kashmir@JmuKmrPolice https://t.co/1EdTeobWYP

  — Kashmir Zone Police (@KashmirPolice) February 28, 2023 " class="align-text-top noRightClick twitterSection" data="

  #AwantiporaEncounterUpdate: Killed #terrorist identified as Aqib Mustaq Bhat of #Pulwama (A category). He initially worked for HM #terror outfit, nowadays he had been working with TRF. #Killer of late Sanjay Sharma #neutralised: ADGP Kashmir@JmuKmrPolice https://t.co/1EdTeobWYP

  — Kashmir Zone Police (@KashmirPolice) February 28, 2023

  ">

  #AwantiporaEncounterUpdate: Killed #terrorist identified as Aqib Mustaq Bhat of #Pulwama (A category). He initially worked for HM #terror outfit, nowadays he had been working with TRF. #Killer of late Sanjay Sharma #neutralised: ADGP Kashmir@JmuKmrPolice https://t.co/1EdTeobWYP

  — Kashmir Zone Police (@KashmirPolice) February 28, 2023

اے ڈی جی پی کشمیر نے اونتی پورہ انکاونٹر میں ہلاک عسکریت پسند کی شناخت واضح کرتے ہوئے کہا کہ ہلاک ہونے والے عسکریت پسند کی شناخت پلوامہ کے عاقب مشتاق بھٹ کے طور پر کی گئی۔ اس نے شروع میں شدت پسند نتظیم حزب المجایدین کے لئے کام کیا اور آج کل ٹی آر ایف کے ساتھ کام کررہا تھا۔

ذرائع کے مطابق تصادم کی شروعات میں عسکریت پسندون کی طرف سے کی گئی فائرنگ کے نتیجے میں دو فوجی اہلکار زخمی ہوگئے تھے۔ انہیں فوری علاج کیلئے سرینگر میں واقع فوج کے 92 بیس ہاسپٹل میں منتقل کیا گیا جہاں ایک اہلکار زخموں کی تاب نہ لاکر دم توڑ بیٹھا۔ دوسرے زخمی اہلکار کے بارے میں کوئی تفصیل جاری نہیں کی گئی ہے۔

سرکاری ذرائع کے مطابق تلاشی کارروائی کے دوران فوج، پولیس اور سی آر پی ایف کی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے مبینہ طور فورسز پر گولی چلا دی، جس سے انکاؤنٹر شروع ہوگیا۔ کشمیر پولیس نے اپنے ابتدائی ٹویٹ میں کہا کہ اس گولی باری میں ایک عسکریت پسند ہلاک کردیا گیا ہے۔ عسکریت پسند کی لاش ابھی تک برآمد نہیں ہوئی ہے جبکہ انکاؤنٹر جاری ہے۔