راج ناتھ سنگھ نے جمعہ کے روز ایک ٹویٹر پیغام میں کہا کہ، 'بھارتی جمہوریت کی تاریخ میں ایمرجنسی کو ایک ’سیاہ باب‘ کے طور پر سمجھا جاتا ہے۔ ملک کی جمہوری روایات پر حملہ کرنے کے لئے جس طرح آئین کا غلط استعمال کیا گیا اسے کبھی فراموش نہیں کیا جاسکتا۔ آج بھی وہ دور ہم سبھی کی یادوں میں تازہ ہے۔'
مزید پڑھیں:
Emergency 1975: جانیں کیوں، کب اور کیسے نافذ ہوئی تھی ایمرجنسی؟
ایک دیگر ٹویٹ میں انہوں نے کہا کہ، 'اس دوران جمہوریت کے تحفظ کے لئے ملک میں آندولن بھی ہوئے اور لوگوں کو نہ جانے کتنی اذیتیں جھیلنی پڑیں۔ ہم آج بھی ان کی قربانی، ہمت اور جدوجہد کو یاد کرتے ہیں اور ترغیب حاصل کرتے ہیں۔ جمہوریت کے تحفظ کے لئے جن لوگوں کا بھی کردار رہا ہے میں ان افراد کو بصد احترام اور مبارکباد پیش کرتا ہوں۔'
یو این آئی
