نئی دہلی: انفورسمنٹ ڈائریکٹوریٹ (ای ڈی) کی جانب سے جھارکھنڈ اور مغربی بنگال کے کئی مقامات پر چھاپے ماری جاری ہے۔ میڈیا رپورٹس کے مطابق یہ چھاپے فوج کی زمینوں پر قبضے کے سلسلے میں مارے جا رہے ہیں۔ فوج کی زمین پر قبضے کے معاملے میں انفورسمنٹ ڈائریکٹوریٹ کی ٹیم جھارکھنڈ کے رانچی اور مغربی بنگال کے تعدد اضلاع میں چھاپے مار رہی ہے۔ED conducting raids at several places in Jharkhand and Bengal
مزید پڑھیں:۔ Bengal SSC Scam ای ڈی نے مانک بھٹاچاریہ کو گرفتار کیا
ای ڈی ذرائع سے ملی معلومات کے مطابق ملزم امیت اگروال نے رانچی کے باریاتو علاقے میں فوج کی زمین کو جعلی دستاویزات کے ذریعہ قبضہ کرلیا تھا۔ دستاویزات کی بنیاد پر ملزمان نے رانچی کے باریاتو علاقے میں فوج کی 50 ایکڑ اراضی پر قبضہ کیا۔ ای ڈی کے اہلکار اس سلسلے میں ملزم امیت اگروال سے پوچھ گچھ کر رہے ہیں۔ ایک سابق میونسپل کمشنر سمیت کئی سرکل آفیسرز اور رجسٹرار انفورسمنٹ ڈائریکٹوریٹ کے ریڈار پر ہیں۔ انفورسمنٹ ڈائریکٹوریٹ فوج کی زمین پر قبضے کے معاملے میں جھارکھنڈ میں آٹھ اور مغربی بنگال میں چار دیگر مقامات پر چھاپے مار رہی ہے۔
