ہریانہ کے ضلع کرنال کے کچ پورہ گاؤں سے ایک ویڈیو وائرل ہو رہا ہے، جس میں بارش ہونے کے بعد کھیتوں کی زمین اوپر اٹھتی ہوئی دکھائی دے رہی ہے۔ اس ویڈیو کو جس کسی نے بھی دیکھا ہے اس کے ہوش ار گئے۔ اس موقع پر موجود کچھ نوجوان ویڈیو بنانے کے دوران بھی حیرت زدہ ہیں کہ انھوں نے کبھی فلموں میں ایسا منظر دیکھا ہوگا۔ لیکن آج ان کی آنکھوں کے سامنے زمین 2 سے 3 فٹ تک اوپر اٹھ گئی۔
تاہم اس ویڈیو کے منظرعام پر آنے کے بعد جب اس معاملے میں گاؤں کے لوگوں سے بات کی گئی تو انہوں نے بتایا کہ ایک کسان نے اس جگہ سے مٹی اٹھوائی تھی، جس کے بعد اس جگہ پررائس مل سے نکلی ہوئی راکھ ڈال دی گئی۔ پھر کسان نے اس پر دھان کی فصل لگائی۔ لیکن آخری دنوں میں موسلادھار بارش کے بعد پانی نیچے چلا گیا اور راکھ پھیل گئی۔ اس لیے یہ زمین اوپر اٹھنے لگی۔
یہ بھی پڑھیں: Pegasus: 'بھارت میں غیر قانونی جاسوسی ناممکن': مرکزی آئی ٹی وزیر
جب یہ زمین اوپر اٹھنے لگی تو گاؤں کے کچھ نوجوان وہاں موجود تھے، جنہوں نے اس منظر کو اپنے کیمرے میں قید کرلیا۔ اب یہ ویڈیو بہت وائرل ہو رہا ہے۔
