وزیر خارجہ ایس جے شنکر نے بدھ کے روز اپنے قطری ہم منصب محمد بن عبدالرحمٰن بن جاسم الثانی سے ملاقات EAM Jaishankar meets Qatari counterpart کی اور افغانستان سمیت عالمی اور علاقائی پیش رفت پر تبادلۂ خیال کیا۔
ایس جے شنکر نے ٹویٹ کیا کہ "قطر کے وزیر خارجہ کے ساتھ نتیجہ خیز بات چیت کی گئی۔ ہماری وسیع البنیاد سیاسی، اقتصادی، ڈیجیٹل اور سیکورٹی شراکت داری پر تبادلۂ خیال کیا۔ سرمایہ کاری اور تجارت کو بڑھانے میں دلچسپی کی تعریف کی اور بھارتی برادری کو دی جانے والی حمایت کے لیے قطری حکام کا شکریہ ادا کیا۔
وزیر خارجہ ایس جے شنکر نے مزید کہا کہ "افغانستان سمیت عالمی اور علاقائی پیش رفت پر بھی تبادلۂ خیال کیا گیا"۔
گزشتہ سال اگست کے وسط میں طالبان کے کابل پر کنٹرول کے بعد سے افغانستان میں انسانی صورتحال بہت زیادہ ابتر ہو گئی ہے۔غیر ملکی امداد کی معطلی، افغان حکومت کے اثاثے منجمد کرنے اور طالبان پر بین الاقوامی پابندیوں نے ملک کو، جو پہلے ہی غربت کی بلند سطح سے دوچار ہے، ایک مکمل معاشی بحران میں ڈال دیا ہے۔
یہ بھی پڑھیں: افغان معاملہ پر جے شنکر اور لاوروف کی مشترکہ پریس کانفرنس
وہیں قطری نائب وزیر اعظم اور وزیر خارجہ الثانی نے ٹویٹ کیا کہ "جمہوریہ ہند کے وزیر خارجہ ڈاکٹر ایس جے شنکر سے ملاقات کی اور مختلف شعبوں میں دو طرفہ تعلقات کو فروغ دینے کے طریقوں پر نتیجہ خیز بات چیت کی۔
نتیجہ خیز بات چیت کے ساتھ ساتھ دونوں رہنماؤں نے دوحہ میں نئے بھارتی سفارت خانہ کمپلیکس کے سنگ بنیاد کی نقاب کشائی بھی کی۔
