چنڈی گڑھ: ہماچل میں برف باری اور سردی کی لہر کی وجہ سے شمال مغربی خطہ کے کئی علاقوں میں درجہ حرارت صفر تک گر گیا، جس سے شدید سردی میں اضافہ ہوا۔
محکمہ موسمیات کے مطابق آئندہ 4 روز تک موسم خشک رہے گا اور بعض علاقوں میں شدید دھند اور سردی کی لہر جاری رہے گی۔ رات کے وقت بعض علاقوں میں ہلکی بارش ہوئی اور دن میں موسم خراب رہا جس کی وجہ سے دھوپ نہیں نکلی۔ بٹھنڈہ اور نکودر میں درجہ حرارت صفر اور امرتسر میں درجہ حرارت ایک ڈگری رہا۔
چنڈی گڑھ میں دو ملی میٹر بارش ہوئی اور درجہ حرارت نو ڈگری رہا۔ لدھیانہ میں نو ڈگری، پٹیالہ میں 10 ڈگری، پٹھان کوٹ میں11 ڈگری، فرید کوٹ میں چار، گورداسپور میں چار، موگا میں چار اور مکتسر میں دو ڈگری سمیت علاقے میں درجہ حرارت چھ سے بارہ ڈگری تک پہنچ گیا۔ سرسہ میں تین ڈگری، انبالہ میں 11 ڈگری، کرنال میں 10 ڈگری، گڑگاؤں اور روہتک میں 10 ڈگری، حصار میں سات ڈگری اور نارنول میں آٹھ ڈگری رہا۔ علاقے میں پورے دن دھوپ نہ ہونے کی وجہ سے سردی سے لوگ کانپتے رہے۔
دوسری جانب اتراکھنڈ میں ہفتہ کی صبح سے پہاڑی علاقوں میں ہلکی سے درمیانی برف باری اور میدانی علاقوں میں تیز ہواؤں کے ساتھ بارش سے ٹھنڈ کا اثر بڑھ گیا۔ سرکاری ذرائع کے مطابق دہرادون ضلع کے چکراتہ کے اونچے علاقوں میں برف باری شروع ہو گئی ہے۔ اس سے کوٹی کناسر تا لوکھنڈی میں 707اے0 ٹونی چکراتا موٹرراستے کلومیٹر 53 سے 62 تک سڑک بند ہو گیاہے۔ان راستے پر 3 جے سی بی کام کر رہے ہیں اور شدید برف باری کے پیش نظر 1 سنو کٹر موقع پر موجود ہیں۔
یہ بھی پڑھیں:Tourists Visit Himachal ہماچل کی چوٹیوں پر برف باری سے سیاحوں کی تعداد میں اضافہ
یواین آئی
