بارہمولہ: شمالی کشمیر کے ضلع بارہمولہ کے سوپور کے ڈانگر پورہ علاقے میں ایک بزرگ خاتون کو اس کے بیٹے نے مبینہ طور پر قتل کر دیا جب کہ پولیس نے اس فعل میں ملوث ملزم کو گرفتار کر لیا ہے۔ ذرائع کے مطابق بتایا جا رہا ہے کہ بارہمولہ ضلع کے سوپور کے ڈنگر پورہ علاقے میں ایک خاتون کو اس کے بیٹے نے مبینہ طور پر پھانسی پر لٹکا کر اس کا قتل کر دیا۔ اس ضمن میں جموں کشمیر پولیس نے ملزم شخص کو گرفتار کر لیا۔ بتایا جا رہا ہے کہ اس خاتون کا بیٹا منشیات کا عادی تھا اور اس نے نشے کی حالت میں اپنی ماں کا قتل کردیا تاہم لاش کو طبی قانونی کارروائیوں کے لیے سب ڈسٹرکٹ ہسپتال (ایسس ڈی ایچ) سوپور منتقل کر دیا گیا ہے۔
دریں اثنا اس سلسلے میں سوپور پولس اسٹیشن میں ایک کیس درج کیا گیا ہے جب کہ مزید تحقیقات جاری ہیں۔ اس واقعے کے بعد پورے علاقے میں تشویش کی لہر دوڑ گئی ہے اور لوگوں میں غم و غصہ دیکھنے کو مل رہا ہے۔ واضح رہے کہ ضلع بارہمولہ میں مسلسل منشیات فروشوں کی تعداد میں کافی اضافہ دیکھنے کو مل رہا ہے، حالانکہ حکومت کی جانب سے جموں و کشمیر میں نوجوانوں کو منشیات کی عادت سے محفوظ رکھنے کے لئے مختلف بیداری پروگرام منعقد کیے جاتے رہتے ہیں۔ وہیں جموں و کشمیر پولیس بھی منشیات کے خلاف مہم چلاتی رہتی ہے لیکن دوسری طرف نوجوانوں کی کثیر تعداد اس منشیات کے ساتھ وابسطہ ہے۔
مزید پڑھیں:۔ Anantnag Murder Case اننت ناگ میں بیٹا ہی نکلا ماں کا قاتل
