پاکستانی سرجن اور موٹیویشنل اسپیکر ڈاکٹر جاوید اقبال کا ایک ویڈیو آنجہانی لتا منگیشر کے انتقال کے بعد سوشل میڈیا پر تیزی سے وائرل ہو رہا ہے، اس ویدیو میں ڈاکٹر جاوید اقبال نے لتا منگیشکر کو خراج تحسین پیش Dr. Javed Iqbal Paid Tribute to Lata Mangeshkar کیا ہے۔
اس وائرل ویڈیو میں پاکستان کے نامور سرجن ڈاکٹر جاوید اقبال نے بتایا کہ مجھ سے ایک بار انٹرویو لینے کچھ لوگ آئے تھے، جب انہوں نے مجھ سے پوچھا کہ آپ نے اتنی اچھی سرجری کہاں سے سیکھی، تو میں نے ان کو بتایا کہ میں نے یہ سرجری ہندوستانی ملکۂ ترنم لتا منگیشکر سے سیکھا ہے۔
انہوں نے کہا کہ لتامنگیشکر جس طریقے سے اپنے حرفوں کی ادائیگی پر قدرت رکھنے کے ساتھ ساتھ اسے سر کے ساتھ بخوبی انجام دیتی ہیں، اسی طریقے سے اپنے کام میں مہارت رکھنا یقیناً آپ کے مشکل کام کو آسان بنا سکتا ہے اور اسے قابل قدر بناتا ہے ان کے اسی طریقے سے میں نے اپنے کام کو سیکھا ہے۔
- مزید پڑھیں: SRKs Reading Dua for Lata Mangeshkar : لتا منگیشکر کی میت پر شاہ رخ خان اور بھانت بھانت کی بولیاں
واضح رہے کہ ملکۂ ترنم لتا منگیشکر کا گزشتہ دنوں 92 سال کی عمر میں بریج کینڈی اسپتال میں انتقال ہو گیا، اب پڑوسی ملک کے نامور سرجن ڈاکٹر جاوید اقبال کا ایک ویڈیو وائرل ہو رہا ہے جس میں وہ لتا منگیشکر کو خراج عقیدت پیش کرتے نظر آ رہے ہیں، ساتھ ہی وہ یہ بھی کہہ رہے ہیں کہ انسان تو مرسکتا ہے مگر اس کے کارنامے اور اس کی خوبیاں ہمیشہ زندہ و تابندہ رہتی ہیں۔
