پنجاب کے وزیر اعلی چرنجیت سنگھ چننیPunjab Chief Minister Charanjit Singh Channi نے کہا کہ 'پنجابیوں نے ملک کے لیے قربانی دینے سے کبھی دریغ نہیں کیا۔ پنجاب اور پنجابیوں کی حب الوطنی Patriotism of Punjab and Punjabis پر انگلی اٹھانے کا حق کسی کو نہیں ہے۔
وزیر اعظم نریندر مودی کے کل فیروز پور سے خطاب کیے بغیر واپس چلے جانے کے واقعہ کا حوالہ دیتے ہوئے وزیر اعلیٰ پنجاب چننی نے آج یہاں دانا منڈی میں کہا کہ حقیقت یہ ہے کہ ریلی کے مقام پر صرف 700 لوگ ہی پہنچے تھے، جس نے وزیر اعظم کو اپنے قدم پیچھے کھینچنے کو مجبور کیا اور بعد میں وزیر اعظم کی سیکورٹی کو خطرے کا بہانہ بناتے ہوئے الزام حکومت پنجاب پر لگادیا گیا۔
وزیر اعلیٰ پنجاب چنی نے کہا کہ حقیقت یہ ہے کہ وزیر اعظم کی طے شدہ ریلی سے پانچ دن پہلے، اسپیشل پروٹیکشن گروپ (ایس پی جی) نے لینڈنگ اسپاٹ، ریلی کی جگہ اور ہر سیکیورٹی کی تفصیلات حاصل کی تھیں، لیکن بعد میں وزیر اعظم کے قافلے نے اچانک بذریعہ سڑک جانے کا فیصلہ کیا جو ایس پی جی کی جانب سے صاف کیا گیا تھا۔
انہوں نے اس بات کا اعادہ کیا کہ اگر وزیراعظم کو کوئی خطرہ ہے تو ہرپنجابی محب وطن ہونے کے ناطے اپنا خون بہانے اور گولیوں کاسامنا کرنے کو تیار ہے۔ پنجابی ماضی میں بھی ملک کی شان اور وقار کی بحالی کے لیے قربانیاں دیتے رہے ہیں۔
وزیر اعلیٰ نے پنجاب مخالف قوتوں کو ریاست کو بدنام کرنا بند کرنے کے لیے کہا اور ان سے سوال کیا کہ وزیر اعظم کے ارد گرد انٹیلی جنس سسٹم کیا کررہا ہے، کیا انہوں نے وزیر اعظم کی سلامتی کو کسی خطرے کا امکان محسوس کیا تھا۔
وزیر اعلیٰ چننی نے پنجاب مخالف قوتوں سے انتقامی سیاست سے دور رہنے کے لیے کہا اور اس بات پر غور کرنے کی صلاح دی کہ لوگ، خاص طور پر کسان، ان کو کیوں پسند نہیں کرتے۔
یو این آئی
