بین الاقوامی مارکیٹ میں خام تیل تین سال کی بلند ترین سطح 80 ڈالر فی بیرل سے تجاوز کرنے کے بعد بدھ کے روز گھریلو سطح پر ڈیزل اور پٹرول کی قیمتوں میں کوئی تبدیلی نہیں کی گئی۔ منگل کو مسلسل تیسرے دن ڈیزل 25 پیسے فی لیٹر اور پیٹرول 22 ویں دن کے بعد 20 پیسے فی لیٹر مہنگا ہو گیا تھا۔ ڈیزل کی قیمت میں گزشتہ پانچ دنوں میں 95 پیسے فی لیٹر کا اضافہ ہوا ہے۔
یورپ میں توانائی کے بحران کی وجہ سے خام تیل میں مسلسل ساتویں روز تیزی درج کی گئی۔ اس سے قبل امریکی تیل کے ذخائر میں کمی کی وجہ سے خام تیل میں اضافہ ہوا تھا۔ گزشتہ روز امریکی مارکیٹ میں کاروبار کے اختتام پر بریٹ کروڈ 80 ڈالر فی بیرل عبور کر کے 80.69 ڈالر فی بیرل پرپہنچ گیا۔ اس دوران امریکی خام تیل بھی 1.49 ڈالر اضافے کے ساتھ 75 ڈالر سے بڑھ کر 75243 ڈالر فی بیرل پر پہنچ گیا۔
تجزیہ کاروں کا کہنا ہے کہ اس سال کے اختتام تک خام تیل 90 ڈالر فی بیرل کے پار جا سکتا ہے۔ کورونا وائرس کے انفیکشن کے عالمی سطح پر کمی آنے کے بعد تیل کی مانگ بڑھنے لگی ہے، جس کی وجہ سے خام تیل کی قیمتیں بڑھ رہی ہیں۔
آئل مارکیٹنگ کمپنی انڈین آئل کارپوریشن کے مطابق دہلی میں پٹرول 101.39 روپے فی لیٹر اور ڈیزل 89.57 روپے فی لیٹر پر مستحکم رہا۔ ڈیزل کی قیمت میں جمعہ کو 20 پیسے فی لیٹر، اتوار کو 25 پیسے، پیر کو 25 پیسے اور پھر منگل کو بھی 25 پیسے فی لیٹر اضافہ کیا گیا ہے۔ اس طرح سے پانچ دن میں سے چار دن میں 95 پیسے کا اضافہ ہوا ہے۔ گزشتہ 5 ستمبر کو پٹرول کی قیمتوں میں 15 پیسے فی لیٹر کمی کی گئی تھی اور اس کے بعد یہ 101.19 روپے فی لیٹر پر مستحکم تھا لیکن کل اس میں بھی 20 پیسے فی لیٹر اضافہ کیا گیا ہے۔
مزید پڑھیں:۔ ڈیزل ایک بار پھر 25 پیسے اور پٹرول 20 پیسے مہنگا
پٹرول اور ڈیزل کی قیمتوں کا یومیہ جائزہ لیا جاتا ہے اور اسی بنیاد پر ہر روز صبح 6 بجے سے نئی قیمتیں نافذ ہوتی ہیں۔ ملک کے چار بڑے شہروں میں پٹرول اور ڈیزل کی قمیتیں مندرجہ ذیل ہیں:
