دھرمیندرپردھان نے دوبارہ کھلنے والے اسکولوں کا جائزہ لیا

وزارت تعلیم کی طرف سے ایک ٹویٹ میں کہا گیا کہ پردھان نے وزارت تعلیم اور محکمۂ تعلیم و خواندگی کے سینیئر عہدہ داروں کے ساتھ ملک بھر میں دوبارہ کھلنے والے اسکولوں کی صورتحال کا جائزہ لیا۔

مرکزی وزیر تعلیم دھرمیندر پردھان نے بدھ کو سینیئر عہدیداروں کے ساتھ ملک بھر میں دوبارہ کھلنے والے اسکولوں کی صورتحال کا جائزہ لیا۔ وزارت تعلیم کی طرف سے ایک ٹویٹ میں کہا گیا کہ پردھان نے وزارت تعلیم اور محکمۂ تعلیم و خواندگی کے سینیئر عہدہ داروں کے ساتھ ملک بھر میں دوبارہ کھلنے والے اسکولوں کی صورتحال کا جائزہ لیا۔

انہوں نے ستمبر تک اسکولوں میں تمام تدریسی اور غیرتدریسی عملے کو ویکسین دینے کے روڈ میپ کا بھی جائزہ لیا۔

پردھان نے کہا کہ حکومت ہند اسکولوں میں ایک محفوظ ماحول کو یقینی بنانے کے لئے ملک بھر کے اسکولوں کے تدریسی اور غیر تدریسی عملے کے ویکسینیشن کو ترجیح دے رہی ہے۔

قابل غور ہے کہ کورونا انفیکشن کے معاملات میں آئی کمی اور ویکسینیشن کے پیش نظر کچھ ریاستوں نے اسکول، کالجز اور یونیورسٹیاں دوبارہ کھولنے کا فیصلہ کیا ہے۔

یو این آئی