آزاد سماج پارٹی کے وفد نے ضلع مجسٹریٹ کے ذریعے مرکزی وزارت داخلہ سے ماہی گیروں کی رہائی کے لیے کوششیں تیز کرنے کا مطالبہ کیا۔ پارٹی کے وارانسی ڈویژن کے انچارج ایس پی مانو نے منگل کو بتایا کہ مچھلی شہر کے چوبے پور کے رہنے والے راجناتھ بد، بسیرہا کے رہنے والے ونود کمار بد، گھرہو بد، نند پور کے رہائشی لال منی بد، راج ناتھ ساکن گھگھریا، بھدوہی کے سوریاواں کے رہنے والے نیرج، بھدوہی کے بھٹیواڑہ، سلطان پور لمبھوا کے رہنے والے چاندا۔ سبھاراج کے نشاد روزی روٹی کے سلسلے میں اگست 2021 میں گجرات گئے تھے جہاں ایک سیٹھ کے پاس ملازمت کے تحت سمندر میں ماہی گیری کا کام کرنے لگے۔ Demand for Release of Fishermen Detained in Pakistan
انہوں نے بتایا کہ ایک دن ماہی گیری کے دوران ان کی کشتی پاکستان کی سرحد میں چلی گئی۔ پاکستانی حکام نے انہیں گرفتار کر لیا۔ اس واقعہ کی اطلاع گجرات کے ایک اخبار میں شائع ہوئی۔ متاثرین کے اہل خانہ کو واقعہ کی جانکاری ان کے کاروباری مالک کے ذریعے حاصل ہوئی۔
مزید پڑھیں:۔ India Repatriates Pakistani Prisoners: بھارت نے 6 ماہی گیروں سمیت 12 پاکستانی قیدیوں کو پاکستان واپس بھیج دیا
مانو نے بتایا کہ وقت گزرنے کے بعد بھی حکومت پاکستان نے ان متاثرین کو رہا نہیں کیا۔ ان لوگوں کی اسیری کی وجہ سے ان کا خاندان فاقہ کشی کے دہانے پر پہنچ چکا ہے۔ مانو کے ذریعے متاثرین کے اہل خانہ کی جانب سے ضلع مجسٹریٹ کو پیش کی گئی درخواست میں پاکستان سے یرغمالیوں کی رہائی کے لیے ضروری اقدامات کرنے کا مطالبہ کیا گیا ہے۔ تاکہ ان لوگوں کو جلد از جلد رہائی مل سکے۔
(یو این آئی)
