دار الحکومت دہلی میں کورونا وائرس نے تباہی مچاتے ہوئے دھماکو صورتِ حال اختیار کرلی ہے۔ جس کی گرفت میں آکر جہاں ہزاروں کی تعداد میں کورونا متاثرین موت کے گھاٹ اتر رہے ہیں۔ یہاں تک کہ دہلی ہائی کورٹ کے ججس اور عدالتی افسران اور ان کے افرادِ خاندان بھی اس سے بچ نہیں پارہے ہیں۔ اسی کے مدِّنظر دہلی حکومت نے اچھا فیصلہ کرتے ہوئے عدالتی افسران کو راحت دینے کی کوشش کی ہے۔
اسے دیکھتے ہوئے دہلی حکومت نے ہائی کورٹ کے عدالتی افسروں اور ان کے اہل خانہ کے لئے کووڈ صحت کی سہولت کے قیام کے لئے حکومت نے اشوکا ہوٹل کے 100 کمروں کو کووڈ کیئر سنٹر بنانے کا فیصلہ کیا ہے۔
