نئی دہلی: شرجیل امام کو ساکیت کورٹ نے اشتعال انگیز تقاریر کے مقدمے میں ضمانت دیدی ہے۔ کورٹ نے ایف آئی آر کے اندراج کے 31 ماہ بعد ضمانت شرجیل امام کی ضمانت منظور کی ہے۔ اس سے قبل اگست 2021 میں ساکیت عدالت نے ضمانت کی درخواست مسترد کر دی تھی۔ Delhi Court Grants Bail To Sharjeel Imam In 2019 Sedition Case
اس سلسلے میں ہائی کورٹ نے ٹرائل کورٹ سے درخواست ضمانت پر دوبارہ غور کرنے کو کہا تھا، یہ مقدمہ نیو فرینڈز کالونی پولیس اسٹیشن میں درج شکایت سے متعلق ہے جس میں شرجیل امام پر فرقہ وارانہ ہم آہنگی کو بگاڑنے اور اشتعال انگیز تقاریر کرنے کا الزام ہے۔ شرجیل کے خلاف متعدد دفعات کے تحت مقدمہ درج کیا گیا تھا۔ تاہم شرجیل کو دہلی فسادات کیس میں ابھی تک راحت نہیں ملی ہے۔
