دوارکا سیکٹر 8 میں 4 منزلہ ہوٹل کرشنا میں آج صبح 7:25 بجے آگ لگ گئی۔ آگ اتنی بھیانک تھی کہ ہوٹل میں پھنسے دو افراد زندہ جل کر ہلاک گئے۔ بتایا جارہا ہے کہ ہلاک شدگان میں ایک مرد اور ایک عورت ہے دونوں اوپر کی منزل پر تھے۔ آگ لگنے کے بعد وہ اپنی جان بچانے کے لیے نیچے بھاگے لیکن چھوٹے سلنڈر میں دھماکے کی وجہ سے وہ اپنی جان سے ہاتھ دھو بیٹھے۔
اس کے ساتھ ہی عمارت کے بالائی حصے پر رہنے والے 7 سے زائد افراد نے ساڑی اور رسی کی مدد سے بالکنی سے نیچے کود کر اپنی جان بچائی۔ تاہم اس دوران وہ چوٹ کا شکار بھی ہوئے ہیں اور انہیں مختلف ہسپتالوں میں داخل کرایا گیا ہے۔
- یہ بھی پڑھیں:اقتدار کی پرُامن منتقلی کے لیے افغانستان حکومت اور طالبان میں مذاکرات جاری
- بھارت کو طالبان کی پیش قدمی کا جائزہ لینے کی ضرورت ہے: رام مادھو
فی الحال موقع پر پہنچے ایڈیشنل ڈی سی پی شنکر چودھری نے لوگوں سے پوچھ گچھ کی۔ اسی وقت ایف ایس ایل کی ٹیم بھی پہنچی اور یہاں سے ضروری شواہد اٹھالیے۔ آگ لگنے کی وجہ تاحال معلوم نہیں ہوسکی ہے۔
