ان نشستوں کو پُرکرنے کیلئے مرکزی الیکشن کمیشن نے پہلے ہی شیڈول جاری کردیا ہے۔ منگل کو محبوب نگر۔رنگاریڈی۔حیدرآباد حلقہ کے ریٹرننگ آفیسر و گریٹر حیدرآباد میونسپل کارپوریشن کے ایڈیشنل کمشنر، ورنگل۔کھمم۔نلگنڈہ حلقہ کے ریٹرننگ آفیسر و رنگاریڈی ضلع کلکٹر نے ان دو حلقوں کے انتخابات کا اعلامیہ جاری کیا۔
آج سے پرچہ نامزدگیوں کے ادخال کا عمل شروع ہوگیا ہے۔ 11بجے دن سے تین بجے سہ پہر تک پرچہ نامزدگیاں قبول کی جارہی ہیں۔ اس ماہ کی 23 تاریخ تک پرچہ نامزدگیاں داخل کی جاسکتی ہیں۔ اگلے دن ان کی جانچ کی جائے گی۔
26 تاریخ تک پرچہ نامزدگیاں واپس لی جاسکتی ہیں۔ 14 مارچ کو 8 بجے صبح تا 4 بجے شام کے درمیان رائے دہی ہوگی جبکہ 17مارچ کو ووٹوں کی گنتی کی جائے گی۔
