جموں و کشمیر کے ضلع پلوامہ کے سب ڈویزن ترال کے آری پل میں پی ڈی پی کے رہنما اور ڈی ڈی سی رکن منظور احمد گنائی نے آج اپنے حلقے کا دورہ کیا اور بی ڈی او آفس آری پل میں عوامی وفود سے ملاقات کی۔ تاہم انہوں نے کہا کہ انہیں کئی بعد علاقہ کا دورہ کرنے نہیں دی جا رہی ہے۔
اس دوران انہوں نے اس بات پر زور دیا کہ وہ آری پل بلاک کی تعمیر و ترقی کے لیے کام کرتے رہیں گے اور وہ عوامی مسائل سے بے خبر نہیں ہے۔ تاہم ستم ظریفی یہ ہے کہ ڈی ڈی سی الیکشن کا ڈھنڈورا تو بڑے پیمانے پر پیٹا گیا لیکن اب منتخب ہونے پر ہمیں عوام سے ملنے نہیں دیا جارہا ہے۔
مزید پڑھیں:۔ ڈوڈہ: ڈی ڈی سی رکن گھٹ نے اپنے حلقہ کے مسائل کو اجاگر کیا
منظور گنائی نے کہا کہ وہ بار بار انتظامیہ کے پاس اپنے علاقے کے حوالے سے دورہ کرنے کی اجازت طلب کرتے ہیں تاہم سیکورٹی کے نام پر ان کو دورہ کرنے کی اجازت نہیں دی جا رہی ہے۔ جسکی وجہ سے عوامی مشکلات میں اضافہ ہورہا ہے۔ جبکہ ہمارا وقار بھی داو پر لگ گیا ہے۔ انہوں نے کہا وہ عوام کی طرف سے منتخب ہوئے نمائندے ہیں اور ان کو عوام سے دور رکھنا جمہوریت نہیں ہے۔
