سوائی مادھوپور: کانگریس لیڈر راہل گاندھی کی قیادت میں کنیا کماری سے کشمیر تک نکالی جا رہی کانگریس کی بھارت جوڑو یاترا، آج 98 ویں دن صبح راجستھان کے سوائی مادھوپور ضلع کے بھڈوتی سے شروع ہوئی اور ان میں جہاں لوگوں کا ہجوم امڈ پڑا۔ وہیں ریاست میں کانگریس کی گہلوت حکومت کی عوامی بہبود اور تاریخی اسکیموں کی وضاحت کی گئی۔ بھارت جوڑو یاترا کا راجستھان میں 10واں دن ہے اور صبح کے سیشن میں بھڈوتی سے تقریباً 6 بجے پیدال یراترا شروع ہونے کے بعد بڑی تعداد میں مقامی لوگوں کا ہجوم دیکھنےکوملا۔ Crowds of people at Bharat Jodo Yatra
یاترا میں وزیر اعلیٰ اشوک گہلوت، سابق نائب وزیر اعلیٰ سچن پائلٹ، ریاستی صدر گووند سنگھ دوٹاسرا، کئی وزراء اور ایم ایل ایز، پارٹی عہدیداروں کے علاوہ ریزرو بینک کے سابق گورنر ڈاکٹر رگھورام راجن مسٹر راہل گاندھی کے ساتھ تھے۔ اس دوران ڈاکٹر راجن مسٹر راہل گاندھی کے ساتھ تقریباً دس کلومیٹر تک پیدل چلے۔
یاترا کے بامن واس کے باڑھ شیام پورہ ٹنڈ پہنچنے کے بعد صبح گیارہ بجے ایک پریس کانفرنس کا اہتمام کیا گیا اور کانگریس کے رکن پارلیمنٹ اور مواصلات کے انچارج جے رام رمیش نے اس سے خطاب کرتے ہوئے بتایا کہ یاترا کے دوران ڈاکٹر راجن اور مسٹر راہل گاندھی کے درمیان ملک کی معیشت اور موجودہ صورتحال کے بارے میں طویل اور گہری بات چیت ہوئی۔ نجی سرمایہ کاری کو کیسے بڑھایا جائے، برآمدات کو کیسے بڑھایا جائے، روپے کی قدر میں کمی اور کیا ہندوستان کی معاشی حالت واقعی اتنی مضبوط ہے جیسا کہ وزیر خزانہ پارلیمنٹ میں دعویٰ کرتی ہیں جیسے امور پر خصوصی طور پر بات چیت ہوئی۔
یہ بھی پڑھیں: Bharat Jodo Yatra ڈاکٹر این رگھورام راجن بھارت جوڑو یاترا میں شامل ہوئے
یو این آئی
